सोलापूर : केंद्रीय लोकसेवा आयोग (Central Public Service Commission - UPSC) ने सहाय्यक प्राध्यापक, वरिष्ठ वैज्ञानिक अधिकारी, वैद्यकीय अधिकारी आणि इतर पदांच्या भरतीसाठी (Recruitment) अधिसूचना जारी केली आहे. या अंतर्गत एकूण 64 पदांची भरती केली जाईल. ज्या उमेदवारांना या पदांसाठी ऑनलाइन अर्ज करायचा आहे, ते अधिकृत वेबसाइट upsc.gov.in वर जाऊन ऑनलाइन अर्ज करू शकतात. या पदांसाठी अर्ज करण्याची शेवटची तारीख 11 नोव्हेंबर 2021 आहे. अर्ज करताना उमेदवारांनी अधिसूचना फॉर्म पूर्णपणे वाचावा आणि त्यानुसार अर्ज करावा, कारण फॉर्ममध्ये काही विसंगती आढळल्यास अर्ज नाकारला जाईल.

रिक्त जागांचा तपशील

• असिस्टेंट प्रोफेसर- 1

• असिस्टंट डिफेंन्स Estates ऑफिसर : 6

• सिनिअर सायंटिफिक ऑफिसर ग्रेड - II : 3

• सिनिअर सायंटिफिक ऑफिसर केमिस्ट्री : 3

• सिनिअर सायंटिफिक ऑफिसर II इंजिनिअरिंग : 3

• असिस्टंट डायरेक्‍टर : 1

सहाय्यक संचालक आणि इतर पदांसाठी असा करा अर्ज

सहाय्यक संचालक व वैद्यकीय अधिकारी आणि इतर पदांसाठी अर्ज करण्यासाठी उमेदवारांनी प्रथम अधिकृत वेबसाइट upsc.gov.in ला भेट द्यावी. मेन पेजवरील रिक्रूटमेंट टॅबवर क्‍लिक करा आणि नंतर "ऑनलाइन रिक्रूटमेंट ऍप्लिकेशन' वर क्‍लिक करा. "आता अर्ज करा' यावर क्‍लिक करा आणि अर्ज भरण्यास सुरवात करा. त्यानंतर सर्व तपशील प्रविष्ट करा. कागदपत्रे अपलोड करा आणि आवश्‍यक ते शुल्क भरून सबमिटवर क्‍लिक करा. तुमचा UPSC भरती 2021 अर्ज सबमिट केला जाईल. भविष्यातील संदर्भासाठी एक प्रत डाउनलोड करा आणि त्याची प्रिंट काढून घ्या.

असे असेल शुल्क

UPSC द्वारे भरण्यात येणाऱ्या विविध पदांसाठी अर्ज करणाऱ्या सामान्य / OBC / EWS पुरुष श्रेणी अंतर्गत अर्ज करणाऱ्या उमेदवारांना अर्ज फी म्हणून रु. 25 भरावे लागतील. तथापि एससी/ एसटी/ पीडब्ल्यूडी/ महिला उमेदवारांच्या श्रेणी अंतर्गत अर्ज करणाऱ्यांना फीमध्ये सूट दिली आहे.