पुण्यातील कसबा पेठ आणि चिंचवड पोटनिवडणुकांसाठी सकाळी मतदानाला सुरूवात झाली आहे. भाजपने कसब्याची पोटनिवडणुक प्रतिष्ठेची केली आहे.

मात्र मागील दोन दिवसांपासून भाजप कसबा मतदारसंघात पैसै वाटप करत असल्याचे काही व्हिडीओ सोशल मिडियावर फिरत होते. मात्र आता पुणेकरांनीच ही निवडणूक हाती घेतली आहे.

कसब्यात मतदानाची शाई दाखवा आणि मोफत चहा मिळवा अशी हटके संकल्पना पाहायला मिळत आहे. या पोटनिवडणुकीसाठी आज मतदान होत आहे या निमित्त कसबा मतदारसंघातील काही नागरिकांनी अनोखा उपक्रम केला आहे.

मतदानाची शाई दाखवा आणि चहा मोफत मिळावा, तर मतदान करा आणि एक पुस्तक मोफत घरी घेऊन जा अशी ऑफर केली आहे.

इतकंच काय तर महिलांची देखील संख्या या मतदानात जास्त दिसावी म्हणून शहरातील एका फोरमने महिलांसाठी मतदान करा आणि हातावर मेहेंदी फ्री मध्ये काढून घ्या अशी देखील संकल्पना राबवली आहे.

त्यामुळे कसब्याच किती टक्के मतदान होणार याकडे सर्वांचे लक्ष आहे.