नाशिक : तुम्हाला चीज पास्ता खाण्याची इच्छा झाली असेल आणि तो बनवण्यासाठी खूप वेळ लागेल असे जर का वाटत असेल तर तुम्ही स्वतःचे मन मारुन बसू नका. आज आपण झटपट तायर होणारा या पॅन पास्ताची रेसिपी जाणून घेणार आहोत. हा पॅन पास्ता बनवण्यासाठी तुम्हाला २० मिनिटांपेक्षा देखील कमी वेळ लागेल. तसेच या पास्ताची चव लहान मुलांसोबतच मोठ्यांना देखील आवडेल अशी आहे.  हा पास्ता खाल्ल्यानंतर तुमची सगळेजण स्तुती करतील हे नक्की.

साहित्य
2 कप उकडलेला पास्ता
2 चमचे बटर
4 चमचे बारीक कापलेला कांदा
2 चमचे लसूण पेस्ट
2 चमचे चीज स्पेड
4 चमचे किसलेले मॉझरेला चीज
1/2 कप टोमॅटो पास्ता सॉस
3 चमचे मैदा
1/4 कप पाणी
1/2 कप दूध
चवीनुसार मीठ आणि काळी मिरी

कृती
१. कढईत बटर गरम करून त्यात लसूण पेस्ट घालून दोन मिनिटे तळून घ्या.
२. आता त्यात कांदा घालून परतावा. मीठ घालून ते परतत राहा.
३.आता त्यामध्ये मैदा घाला आणि चांगले मिसळा. पाणी घाला आणि लवकर-लवकर ढवळून घ्यावे जेणेकरुन ढेकूळे तयार होणार नाहीत. आता दूध घाला.
४. मिश्रण तयार झाल्यावर पास्ता आणि चीज स्प्रेड घाला आणि चांगले मिसळा.
5. हे मिश्रण एका प्लेटमध्ये काढून घ्या , त्यावर टोमॅटो पास्ता सॉस, मिरची आणि किसलेले चीज घालून गरम-गरम सर्व्ह करावे.