दिवाळीत (Diwali) रोज गोड पदार्थ खाऊन कंटाळा येतो. चपाती भाजी यात काहीतरी वेगळं ट्राय करायची इच्छा होते. सणात विशेषत: मसाला भात, पुरी, असं काहीतरी ट्राय करत असतो. अशावेळी दुधी भोपळ्याच्या पुरी बनवू शकता. अतिशय कमी वेळात होणारी हि डिश आहे. चला तर जाणून घेऊया भोपळा पुरी.

पिकलेला भोपळा अर्धा किलो

गव्हाचे पीठ-4 कप

बेसन-1कप

चवीनुसार मीठ

टीस्पून ओवा

चिमूटभर हिंग

तेल

कृती

भोपळ्याची पुरी करण्यासाठी सुरवातीला भोपळा साल काढून कुकुरमध्ये चार शिट्या काढून घ्या. थंड झाल्यानंतर यात बेसनपीठ, गव्हाचे पीठ,मीठ, ओवा, हिंग घालून मळून घ्या. हे पीठ अर्धा तास भिजत ठेवा. किंवा फ्रिजमध्ये ठेवा. या पिठाचे गोळे करून पुरी लाटून घ्या. आता गॅसवर कढईत तेल घालून पुरी तळून घ्या. गरम गरम पुरी तुम्ही शाही पनीर, आलू मटर, टोमॅटो सब्जी, कोबी, बटाटे किंवा मिक्स व्हेजसोबत सर्व्ह करू शकता. यासोबत तुम्ही मसालेदार टोमॅटो किंवा कोथिंबीरीची चटणीही बनवू शकता. हे तुम्ही फक्त दिवाळीतच नाही तर कोणत्याही प्रसंगी किंवा सकाळ संध्याकाळच्या नाश्त्यातही खाऊ शकता.