Protein Rich Jawar Paratha: अनेक लोक सकाळी नाश्त्यात चवदार आणि पौष्टिक पदार्थ खायला आवडतात. तसेच सकाळी नाश्ता करणे आरोग्यासाठी फायदेशीर असते. यामुळे दिवसभर काम करण्याची ऊर्जा राहते. पण रोज नाश्त्यात काय बनवावे हा प्रश्न पडतो. यामुळे आज आम्ही तुम्हाला ज्वारीचा पौष्टीक आणि चवदार पराठा कसा बनवावा हे सांगणार आहोत. हा पराठा बनवायला सोपा आणि चवदार आहे. चला तर मग जाणून घेऊया पराठा बनवण्यासाठी लागणारे साहित्य आणि कृती काय आहे.

ज्वारीचा पराठा बनवण्यासाठी लागणारे साहित्य

ज्वारीचे पीठ- १ कप

गव्हाचे पीठ -१/२ कप

ओवा - ४ चमचे

कांदा पात

आलं-लसूण पेस्ट

हिरवी मिरची

हळद

कोथिंबीर

मीठ

ज्वारीचा पराठा बनवण्याची कृती

ज्वारीचा पराठा बनवण्यासाठी सर्वात आधी एका भांड्यात ज्वारीचे पीठ आणि गव्हाचे पीठ मिक्स करावे. नंतर त्यात ओवा, कोथिंबीर,बारिक कांदा,हळद,मीठ,बारिक हिरवी मिरची,आलं-लसूण पेस्ट, किसलेला गाजर टाकून चांगले मिक्स करावे आणि थोडा वेळ झाकूण ठेवावे. नंतर छोटे गोळे करून त्याचे पराठे बनवावे. दोन्ही बाजून तूप लावून चांगले भाजावे. तयार आहेत गरमा गरमा ज्वारीचा पराठा. तुम्ही हिरवी चटणी किंवा दह्यासोबत खाऊ शकता.