राजगिऱ्याच्या शिऱ्यासाठी लागणारे साहित्य :

1) चार वाट्या राजगिऱ्याचे पीठ

2) एक वाटी बारीक किसलेला गुळ

3) काजू-बदामाचे काप

4) तिन चमचे साजूक तूप

5) अर्धा चमचा वेलची पावडर

6) गरम पाणी

कृती :

सर्वप्रथम आधी कढईत तूप टाकून घ्यावे.तूप गरम झाले की मग त्यात राजगिऱ्याचे पीठ टाकून ते चांगले खरपूस भाजून घ्यावे.

राजगिऱ्याचे पीठ चांगले भाजत आल्यावर त्यात काजू बदामाचे बारीक काप टाकून भाजून घ्यावे.

तोपर्यंत दुसऱ्या गॅसवर बारीक किसलेला गुळ आणि त्यात दोन वाट्या पाणी टाकून गरम करायला ठेवणे,राजगिऱ्याचे पीठ चांगले खरपूस भाजले की मग त्यात उकळत गुळाच पाणी चाळणीने गाळून टाकवे.(पिठाच्या अंदाजानुसार पाणी टाकायचे खूप जास्तही नाही खूप कमी नाही)

नंतर वेलचीपूड टाकून शिरा व्यवस्थित एकजीव करून घ्यावा. शिऱ्यातलं पाणी आटतं आलं की मग थोडावेळ शिऱ्यावर झाकण ठेवावं. अशारितीने राजगिऱ्याचा पौष्टिक शिरा तयार झाला आहे.