लाडू म्हटंल की तोंडाला पाणी आल्याशिवाय राहत नाही. लाडूमध्ये अनेक प्रकार आहेत. जसं की बेसनचा लाडू, बुंदीचा लाडू, रव्याचा लाडू असे अनेक प्रकार केले जातात. पूर्वी सणासुदीला असणारा हा पदार्थ आता रोजच्या ताटात आला आहे. त्यातून लहान मुलांचे खाण्याचे नखरे. यातून मग गृहिणी मार्ग काढत आरोग्याला फायदेशीर ठरतील अश्या लाडू रेसिपीची शोध लावतात. अशीच एक हेल्दी रेसिपी आज आपण जाणून घेणार आहोत. जी करायला ही सोपी आहे. आणि खायला ही चविष्ट. ती म्हणजे रवा नारळ लाडू नारळ.
साहित्य- दोन वाट्या रवा, दीड वाटी साखर, एक खणलेला नारळ, पाच-सहा वेलदोड्याची पूड बेदाणे, बदामाचे काप
कृती : एका पातेल्यामध्ये तूप घालून मंद आचेवर रवा गुलाबी रंगावर खमंग भाजून घ्या. रवा भाजून होत आला की त्यात नारळाचा चव घालून थोडे भाजून खाली उतरवा .रव्यावर वेलदोड्याची पूड व बेदाणे घाला. नंतर दीड वाटी साखरेत पाऊण वाटी पाणी घालून पाक तयार करा .एक तारी पाक तयार करून गॅस बंद करून रवा व नारळाचे मिश्रण त्यात घालावे व मधून मधून ढवळून घ्यावे .हळूहळू मिश्रण घट्ट होऊ लागले की तीन-चार तासांनी मिश्रण लाडू करण्याजोगे होईल मग हाताने मध्यम आकाराचे लाडू वळा . यामध्ये अंदाजे 18 ते 20 लाडू होतात नारळ घातल्यामुळे लाडू चवीला छान लागतो. मऊ होतो. पण जास्त टिकत नाही, या लाडू मध्ये खवा पण घातला तरी चालतो.
टीप:
रवा खमंग भाजावा. पांढरट भाजला तर रव्याचे लाडू दिसायला चांगले दिसले तरी खायला खमंग लागत नाहीत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.