- रेखा बोऱ्हाडे

साहित्य : तांदूळ २ वाट्या, दोडके ३/४, कांदा २, आलं १ तुकडा, काजू, बेदाणे, कढीपत्ता, राई, जिरे, हिंग, कोथिंबीर, खोबऱ्याचा किस, मीठ, हळद, तूप, लिंबू रस, पाणी, पनीर.

कृती : प्रथम तांदूळ स्वच्छ धुऊन अर्धा कच्चा भात शिजवून घेणे. दोडका किसून घ्यावा. कांदे उभे चिरून घ्यावेत नंतर एका पातेल्यात तूप घालून कढीपत्ता, राई, जिरे, हिंग, कांदा, हळद, घालणे. नंतर किसलेला दोडका घालणे व पाच मिनिट झाकण ठेवून वाफ देणे. नंतर मीठ घालून परतवणे. नंतर शिजलेला भात घालून परत परतवणे. नंतर वरून तूप सोडून तळलेले काजू, बेदाणे व तळलेले पनीर घालून एक वाफ द्यावी. प्लेटमध्ये देतेवेळी वरून कोथिंबीर, खोबऱ्याचा किस व लिंबू पिळून देणे. गरमागरम पनीर दोडक्याचा भात तयार.

दोडक्याला तशी चव नसल्यामुळे भाजी खाल्ली जात नाही; पण हा भात लहान-मोठे सगळे आवडीने खातात.