रत्नागिरी : गणपती बाप्पा मोरया......पुढच्या वर्षी लवकर या....चा गजर करत गावागावात गणपतीला निरोप दिला जात होता. कोरोनामुळे मिरवणूका काढल्या जात नसल्या तरीही विसर्जनाचा थाट कायम होता. विसर्जनासाठी नदीपात्राच्या ठिकाणी गणपती मुर्तींचे विसर्जन करण्यासाठी भक्तगण सरसावत होते. वाडी-वस्त्यांमधील ग्रामस्थ डोक्यावर गणपती घेऊन ओळीने किनाऱ्याकडे रवाना होत होते. गौरी-गणपती विसर्जनाचा थाट कोरोनामध्येही कायम होता. जिल्ह्यात पाच दिवसांच्या गौरी गणपतींचे विसर्जन शांततेत झाले. रत्नागिरी जिल्ह्यात मंगळवारी भावपूर्ण निरोप देण्यात आला. रत्नागिरीतील मांडवी समुद्रासह तलाव, विहिरीमध्ये गौरी-गणपतींचे विसर्जन करण्यात आले. त्याची रत्नागिरीतील बातमीदारांक़ून कडून आलेली काही क्षणचित्रे.