मलेशियामध्ये नौदलाच्या दोन हेलिकॉप्टरची हवेत टक्कर झाली आहे. या अपघातात दहा जणांचा मृत्यू झाला आहे. मलेशियाच्या रॉयल मलेशियन नेव्हीच्या वार्षिक कार्यक्रमाच्या तालीमीच्या दरम्यान दोन्ही लष्करी हेलिकॉप्टरची टक्कर झाली आहे. गेल्या वर्षी मलेशियामध्ये इमर्जन्सी लँडिंगदरम्यान हेलिकॉप्टर कोसळले होते. मात्र या घटनेत हेलिकॉप्टरमधील सर्व जण सुखरूप बचावले.

मंगळवारी रॉयल मलेशियन नेव्ही परेडच्या रिहर्सल दरम्यान हवेत दोन हेलिकॉप्टरची भीषण टक्कर होऊन दहा जणांचा मृत्यू झाला, असे नौदलाने एका निवेदनात म्हटले आहे.

पश्चिमेकडील पेराक राज्यातील लुमुट नौदल तळावर मंगळवारी सकाळी ९.३२ वाजता झालेल्या अपघातात सहभागी विमानातील सर्व 10 क्रू मेंबर्स होते, असे नौदलाने सांगितले.

"सर्व जण घटनास्थळी मृत झाल्याची पुष्टी करण्यात आली आणि त्यांचे मृतदेह लुमुट आर्मी बेस हॉस्पिटलमध्ये पाठवण्यात आले," असे नौदलाने सांगितले.