6 Pilgrims Killed In Fire : मॉरिशसमध्ये काल (रविवारी) एका धार्मिक विधीदरम्यान लागलेल्या आगीत सहा यात्रेकरूंचा दुर्दैवी मृत्यू झाला आहे. तर अनेक जण जखमी झाल्याचे सांगण्यात येत आहे. मॉरिशस पोलिसांनी याबाबतची माहिती दिली आहे. शिवरात्रीच्या आधी एका उत्सवादरम्यान ही भीषण दुर्घटना झाली.
पोलीस आयुक्त अनिल कुमार दीप यांनी माहिती देताना सांगितले की, हिंदू देवतांच्या मूर्ती दाखवणाऱ्या लाकडी आणि बांबूच्या गाडीला आग लागली. विजेच्या तारांच्या संपर्कात आल्याने आग लागली.
पोलिस आयुक्त अनिल कुमार दीप यांनी सांगितले की, या दुर्घटनेत सहा जणांचा मृत्यू झाला असून सात जण जखमी झाले आहेत. जखमींची प्रकृती गंभीर असून त्यांच्यावर उपचार सुरू आहेत.
पूर्व आफ्रिकन बेट राष्ट्रातील हिंदू समुदायाकडून पवित्र मानल्या जाणाऱ्या शिवरात्री उत्सवापूर्वी यात्रेकरू ग्रँड बेसिन तलावाकडे पायी जात होते. त्यावेळी हि घटना घडली.
शिवरात्री ८ मार्चला
कॅलेंडरनुसार फाल्गुन महिन्यात महाशिवरात्री साजरी केली जाते. यंदा महाशिवरात्री शुक्रवार, ८ मार्च रोजी आहे. या वर्षी महाशिवरात्रीला अनेक शुभ योग (शुभयोग) घडणार आहेत. महाशिवरात्री श्रावण नक्षत्रात येत असून या दिवशी सर्वार्थ सिद्धी योग, शिवयोग, सिद्धयोगासोबतच सिद्ध योगही तयार होत आहे. या शुभ संयोगांचा काही राशींवर खूप चांगला प्रभाव पडणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.