नवी दिल्ली, ता. २१ ः इस्लाम धर्मातील पवित्र हज यात्रेला सौदी अरेबियामध्ये सुरवात झाली आहे. मात्र, तेथील कडक उन्हाची झळ हज यात्रेकरूंना सोसावी लागत असून आतापर्यंत उन्हाच्या तडाख्यामुळे एक हजाराहून अधिक हज यात्रेकरूंनी प्राण गमावले आहेत. यात भारतीयांचाही समावेश असून परराष्ट्र मंत्रालयाच्या म्हणण्यानुसार, या वर्षभरात हज यात्रेदरम्यान आतापर्यंत ९८ भारतीयांचा मृत्यू झाला आहे.
परराष्ट्र मंत्रालयाच्या साप्ताहिक वार्तालापादरम्यान परराष्ट्र मंत्रालयाचे प्रवक्ते रणधीर जयस्वाल यांनी हज यात्रेसंदर्भात माहिती देताना सांगितले, की यावर्षी १.७५ लाख भारतीय यात्रेकरू हज यात्रेला पोहोचले आहेत. यात्रेचा प्रमुख कालावधी हा नऊ मे ते २२ जुलै आहे. या यात्रेमध्ये आतापर्यंत ९८ भारतीय यात्रेकरूंचा मृत्यू झाला आहे. परराष्ट्र मंत्रालयाने या सर्व लोकांच्या मृत्यूचे कारण उन्हामुळे उद्‍भवणारे आजार आणि वृद्धत्व असल्याचे सांगितले. तसेच मागील वर्षी हज यात्रेदरम्यान १८७ भारतीयांचा मृत्यू झाला होता याकडेही परराष्ट्र मंत्रालयाच्या प्रवक्त्यांनी लक्ष वेधले.
मक्का शहरातील तापमानाने ५० अंश सेल्सिअसचा आकडा पार केला आहे. सौदी अरब सरकारच्या हवामान विभागाने दिलेल्या माहितीनुसार, सोमवारी मक्केच्या मशिदीजवळचे तापमान ५१.८ अंश सेल्सिअसपर्यंत पोहोचले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.