अमेरिकेचे राष्ट्राध्यक्ष जो बायडेन (Joe Biden) यांनी एका पत्रकाराला शिवीगाळ केल्याचा व्हिडीओ समोर आला होता. सोमवारी व्हाईट हाऊसमध्ये (White House) झालेल्या एका कार्यक्रमावेळी बायडेन यांना पत्रकाराने महागाईवरून प्रश्न विचारला होता. तेव्हा संतापलेल्या बायडेन यांनी उत्तरात थेट शिवी दिली होती. त्यांचा हा व्हिडीओ चांगलाच व्हायरल झाला होता. त्यानंतर आता बायडेन यांनी पत्रकाराची माफी मागण्यासाठी बोलावलं असल्याची माहिती समोर आली आहे. (Joe Biden will apologize to Reporter)

जो बायडेन यांना फॉक्स न्यूजचे पत्रकार पीटर डॅकी यांनी बायडेन यांना देशातील वाढत्या महागाईबाबत प्रश्न विचारला होता. देशातील वाढती महागाई हे तुमचं अपयश तर नाही ना? असा सवाल त्यांनी केला होता. यावर उत्तर देण्याऐवजी बायडेन थेट संतापले. संताप एवढा होता की, माईक चालू असल्याचं त्यांच्या लक्षात आलं नाही अन् त्यांनी थेट पत्रकाराला शिवी दिली. ते रागाच्या भरात पत्रकाराला "What a stupid son of a bitch." असं म्हटले. त्यांचा हा व्हिडीओ चांगलाच व्हायरल होतोय. त्यानंतर त्यांच्यावर जगभरातून टीका झाली. एनएनआय या वृत्तेसंस्थेने दिलेल्या वृत्तानुसार काही वेळापुर्वी त्या पत्रकाराची बायडेन माफी मागणार असून, त्यासाठी त्याला बोलावलं असल्याची माहिती समोर आली आहे.