Meloni-Modi Selfie : इटलीच्या पंतप्रधान जॉर्जिया मेलोनी या पंतप्रधान नरेंद्र मोदी यांच्या मोठ्या प्रशंसक आहेत. उजव्या विचारसरणीच्या मेलोनी यांनी यापूर्वीही मोदी सरकारच्या कामाचं कौतुक केलं होतं. या दोघांची दुबईमध्ये COP28 संमेलनात भेट झाली. यानंतर मेलोनी यांनी मोदींसोबतचा सेल्फी पोस्ट केला आहे.

आपल्या एक्स (ट्विटर) हँडलवरुन मेलोनी यांनी हा फोटो पोस्ट केला. "गुड फ्रेंड्स अ‍ॅट COP28" असं कॅप्शन त्यांनी या फोटोला दिलं आहे. दिल्लीतील G20 परिषदेदरम्यान मेलोनी यांनी मोदींनं कौतुकाचा वर्षाव केला होता. त्यावेळी सोशल मीडियावर मोदी आणि मेलोनी यांच्या मैत्रीची चर्चा रंगली होती. यानंतर आता मेलोनी यांचा हा सेल्फी व्हायरल होतो आहे.

'मेलोडी' काय आहे?

मेलोनी यांनी आपल्या फोटोच्या कॅप्शनमध्ये #Melodi असा हॅष्टॅग वापरला आहे. हा हॅष्टॅग म्हणजे Meloni मधील 'Melo' आणि Modi शब्दातील 'di' असा असल्याचं नेटिझन्स म्हणत आहेत. त्यामुळे या हॅष्टॅगची सोशल मीडियावर भरपूर चर्चा सुरू आहे.