काबूल - 'अफगाण गर्ल' या नावाने जगप्रसिद्ध असलेली शरबत गुला ही महिला लवकरच भारतात वैद्यकीय उपचारासाठी येणार आहे. 

स्थलांतरितांचा चेहरा म्हणून दोन दशकांपूर्वी 'नॅशनल जिओग्राफिक' नियतकालिकाच्या मुखपृष्ठावर झळकल्यामुळे शरबत गुलाला जगभर प्रसिद्धी मिळाली होती. बेकायदा राहत असल्याबद्दल पाकिस्तान सरकारने तिला शिक्षा करून नुकतेच अफगाणिस्तानला परत पाठविले होते. तिला हिपॅटायटिस सी आणि इतर काही आजार असून, त्यावर भारतात उपचार होणार आहेत. 

अफगाणिस्तानचे राजदूत शाइदा अब्दाली यांनी दिलेल्या माहितीनुसार, भारतामध्ये तिच्यावर मोफत उपचार होणार असून, याबद्दल भारत सरकारचे आभार मानले आहेत. बंगळूरमध्ये तिच्यावर उपचार होणार आहेत.