पंतप्रधान नरेंद्र मोदी आजपासून तीन दिवसांच्या युरोप दौऱ्यावर आहेत. आज सकाळीच ते जर्मनीत दाखल झाले असून तिथल्या काही भारतीयांशी त्यांनी संवादही साधला. यावेळी पंतप्रधान मोदी काही भारतीय वंशाच्या लहान मुलांची भेट घेत त्यांचं कौतुकही केलं.

एका लहान मुलीने पंतप्रधान मोदींना एक चित्र भेट दिलं. त्यावेळी मोदी या चित्रपटाकडे पाहतच राहिले. त्यांनी या मुलीचं कौतुकही केलं. त्याचबरोबर त्यांनी एका लहान मुलाचं गाणं ऐकत त्याचं कौतुकही केलं. भारतीय वंशाच्या ह्या मुलाने देशभक्तीपर गीत गायलं. तो गाणं गात असताना पंतप्रधान मोदींनी चुटकी वाजवत त्याला साथही दिली.

त्याचं गाणं पूर्ण झाल्यानंतर पंतप्रधान मोदींनी त्याच्या गालावरून आणि डोक्यावरून हात फिरवत त्याचं कौतुक केलं आणि त्याला आशीर्वादही दिले. पंतप्रधान मोदी आजपासून तीन दिवसीय युरोप दौऱ्यावर आहेत. या दौऱ्यादरम्यान ते जर्मनी, डेन्मार्क आणि फ्रान्स या तीन देशांना भेट देणार आहेत. रशिया युक्रेन वादाच्या पार्श्वभूमीवर निर्माण झालेल्या तणावावर ते चर्चा करणार असल्याचंही सांगितलं जात आहे.