Spain Madrid News- स्पेनमघ्ये एका रेस्टॉरंटचे छत कोसळून चार जणांचा मृत्यू झाला आहे, तर २१ जण जखमी झाले आहेत. स्पेनमध्ये प्रसिद्ध पर्यटन स्थळ आईसलँड मॅलोर्का येथे ही घटना घडली आहे. स्थानिक माध्यमांनी यासंदर्भातील वृत्त दिलं आहे.

आपात्कालीन सेवा विभागाचे प्रवक्ते यांनी सांगितलं की, आतापर्यंत चार जणांचा मृत्यू झाला आहे, तर २१ जण जखमी झाले आहेत. यात प्रामुख्याने पर्यटकांचा समावेश आहे. यासंदर्भात स्पेन आपात्कालीन विभागाने 'एक्स'वर माहिती दिली आहे.

रिपोर्टसार, जखमींपैकी सात जणांची स्थिती अत्यंत गंभीर आहे आणि इतर सात जण गंभीर जखमी झाले आहेत. जखमींना विविध हॉस्पिटलमध्ये दाखल करण्यात आले असून त्यांच्यावर उपचार सुरु आहेत.

स्थानिक माध्यमानुसार, पाल्मा डि मॅलोर्का शहराच्या मल प्लाया दी पाल्मा परिसरामध्ये दोन मजली बिल्डिंग आहे. या बिल्डिंगचे छत अचानक कोसळले. अग्निशन दल आणि अॅम्बुलन्स घटनास्थळी दाखल झाले होते. तसेच परिसर सील करण्यात आला होता. इतर काही लोक अडकले आहेत का? याचा देखील शोध घेतला जात आहे.

स्पॅनिश पंतप्रधान पेड्रो सॅनचेझ Pedro Sanchez यांनी याप्रकरणी दु:ख व्यक्त करत पीडित कुटुबीयांसाठी सहवेदना व्यक्त केल्या आहेत. जखमींना आवश्यक ती सर्व मदत केली जाईल, असं ते म्हणाले आहेत. मॅलोर्का हे स्पेनमधील प्रसिद्ध ठिकाणांपैकी एक आहे. सरकारी माहितीनुसार, दरवर्षी या ठिकाणी १.४ कोटी पर्यटक येत असतात.