अपेक्षेप्रमाणे ‘इलेक्शन डे’च्या दिवशी अमेरिकेची सूत्रे कोणाच्या हाती जाणार, याचा अंदाज आलेला नाही. ज्यो बायडेन यांच्याकडे आघाडी दिसत असली तरी अद्याप काही महत्त्वाच्या राज्यांमधील चित्र स्पष्ट व्हायचे असून निकाल अनपेक्षित असू शकतो. आतापर्यंतच्या निवडणुकांपेक्षा यंदाची निवडणूक वेगळी ठरली असून आता निकाल प्रक्रियेतही वेगळेपण राखले जाण्याची चिन्हे आहेत. नेहमीपेक्षा निकाल समोर येण्यास विलंब लागण्याचा अंदाज असून अध्यक्ष डोनाल्ड ट्रम्प यांनीही तसेच सूतोवाच केले आहेत. काही राज्यांनी ‘इलेक्शन डे’नंतरही मतपत्रिका स्वीकारण्याचे धोरण स्वीकारले असल्याने परिस्थिती अवघड झाली असल्याचे ट्रम्प यांचे म्हणणे आहे. 

US Election 2020: राष्ट्राध्यक्षपदापासून बायडन केवळ 6 पावलं दूर तर ट्रम्प गेले कोर्टात

विजयाचे अंदाज 
मतदानाच्या दिवशी अनेकवेळा माध्यमांद्वारे विजयी उमेदवाराची घोषणा केली जाते. ही घोषणा ते मतदानोत्तर कलचाचणी आणि इतर राजकीय माहितीच्या आधारे जाहीर करतात. मात्र, आजच्या प्रमाणे अटीतटीची लढाई असल्यास मतमोजणी पूर्ण झाल्याशिवाय काहीही स्पष्टपणे सांगता येत नाही. यंदाही काही मोठ्या राज्यांमध्ये तुल्यबळ लढत असल्याने समर्थकांची धडधड वाढली आहे. एकूणातच, सत्ताधीशासाठी अजून थोडी वाट पहावी लागणार आहे. 

US Election 2020: यंदाची निवडणूक सर्वार्थाने वेगळी; पहिल्यांदाच घडल्यात काही गोष्टी

विलंबाचे कारण
कोरोनाच्या पार्श्वभूमीवर लाखो मतदारांनी टपालाद्वारे मतदान करण्याचा पर्याय स्वीकारल्याने त्यांची मतमोजणी होण्यास वेळ लागणार. या मतपत्रिका केवळ घडी केल्या जात नाहीत, तर पाकिटबंद करून बॉक्समध्ये टाकल्या जातात. ही पाकिटे फोडून मतपत्रिका बाहेर काढणे, त्यात तांत्रिक चुका झाल्या नाहीत ना हे तपासणे, त्यांची वर्गवारी करणे आणि सरळ करून स्कॅन करणे अशी सर्वसाधारण पद्धत असून काही राज्यांमध्ये ही यंत्रणा तयार असते. त्यामुळे दरवेळी निकाल तातडीने लागतात. यंदा अनेक राज्यांमध्ये लोकांनी प्रचंड संख्येने टपालाद्वारे मतदान केल्याने आणि अनेक राज्यांमध्ये अशा यंत्रणेला परवानगीच नसल्याने मतमोजणीला प्रचंड उशीर लागण्याची शक्यता व्यक्त होत आहे. ही यंत्रणा नसलेल्या राज्यांमध्ये मिशीगन, पेनसिल्वानिया आणि विस्कॉन्सिन ही प्रमुख राज्ये आहेत. 

US election 2020: सारा मॅकब्राईड अमेरिकेतील पहिल्या ट्रान्सजेंडर सिनेटर