गंभीर आजारामुळे रशियाचे सर्वेसर्वा व्लादिमीर पुतीन यांचा मृत्यू झाल्याचा धक्कादायक दावा करण्यात आलाय. ब्रिटनची गुप्तचर यंत्रणा MI6 ने यासंदर्भात माहिती दिलीय. (Vladimir Putin Death News)

रशियाचे अध्यक्ष व्लादिमीर पुतीन यांचा याआधीच मृत्यू झाला असल्याचा विश्वास ब्रिटनच्या वरिष्ठ गुप्तचर अधिकाऱ्यांनी व्यक्त केला आहे. पुतीन यांच्यावर सध्या कर्करोगाचे उपचार सुरू आहेत. युक्रेनसोबत युद्धविराम झाल्यानंतर त्यांनी प्रकृती ढासळत असल्याचं समोर आलं. यानंतर पुतीन यांनी त्यांच्या निकटवर्तीयांकडे संपूर्ण जबाबदारी सोपवत उपचार सुरू केले. (MI6 on Vladimir Putin)

मात्र, पुतीन हे गंभीर आजारी असल्याचा दावा MI6 ने केला आहे. जर ते मरण पावले असतील, तर सत्ता टिकवण्यासाठी शक्य तितक्या काळ ही बातमी गुंडाळून ठेवली जाईल, असं गुप्तचर अधिकाऱ्याने सांगितलं. पुतीन यांचे नजीकच्या काळात मीडियात आलेले व्हिडीओ हे रेकॉर्डेड असल्याचंही गुप्तचर यंत्रणेचं म्हणणं आहे.

रशियाने युक्रेनसोब युद्ध पुकारलं. याच पार्श्वभूमीवर पुतीन यांच्या मृत्यूची बातमी लपवण्यासाठी त्यांच्या बहुरुप्याचा वापर केल्याचा आरोप होत आहे. ब्रिटनच्या डेली स्टारने हे वृत्त दिल्यानंतर जागतिक पातळीवर मोठ्या घडामोडींना वेग आला आहे. अन्य देशांच्या गुप्तचर यंत्रणाही या माहितीच्या आधारे काही ऑपरेशन्स राबवत असून त्यातून महत्वाची माहिती हाती येऊ शकते.

सध्या पुतीन यांच्यावर उपचार सुरू आहेत. युक्रेनसोबत युद्ध सुरू असताना पुतीन माध्यमांमध्ये दिसले होते. मात्र, त्यावेळी त्यांचा चेहरा फुगलेला दिसल्याचं बोललं जातंय. अनेक जाणकार ६९ वर्षांच्या पुतीन यांना रक्ताचा कॅन्सर झाल्याचाही दावा करत आहेत.

डेली स्टारला एका वरिष्ठ अधिकाऱ्याने सांगितलं की, 'पुतीन खूप आजारी आहेत. जेव्हा ते मरण पावतील तेव्हा त्यांचा मृत्यू काही दिवस नाही तर अनेक आठवडे गुप्त ठेवला जाईल. ते त्यांचा याआधीच मत्यू झाला असण्याची शक्यता देखील आहे. पुतीन यांनी पूर्वी आजारी असताना बॉडी डबलचा वापर केला होता, अशी माहिती संबंधित अधिकाऱ्याने दिली आहे.