वॉशिंग्टन: अल्पवयीन मुलीशी लैंगिक संबंध ठेवण्यासाठी कॅनडाहून अमेरिकेत पोचलेला भारतीय वंशाचा आरोपी दिलबाग सिंग (वय 57) याला अरिझोनातील संघ न्यायालयाने 46 वर्षांची कारावासाची शिक्षा मंगळवारी सुनावली.

दिलबाग सिंग हा कॅनडातील ओटारियोचा रहिवासी आहे. न्यायालयात दाखल केलेल्या कागदपत्रांनुसार जानेवारी 2017मध्ये सिंग याने एका अल्पवयीन मुलीशी ऑनलाइन मैत्री केली. चार महिन्यांनंतर त्याने तिच्याबरोबर लैंगिक संबंध प्रस्थापित करण्याची इच्छा व्यक्त केली. या कारणासाठी मे 2017मध्ये तो कॅनडाहून अरिझोनात आला होता. त्यानंतर त्याला अटक करण्यात आली. अमेरिकेतील न्याय व विधी मंत्रालयाविरोधात मे 2006पासून बाल लैंगिक अत्याचाराविरोधात मोहीम सुरू करण्यात आली आहे. "सुरक्षित बालपण' या प्रकल्पाअंतर्गत हा खटला दाखल करण्यात आला होता.