Eye Care : डोळ्यांची दृष्टी कमी झाली की जग धुसर दिसायला लागतं. वयानुसार डोळ्यांची दृष्टी कमी होत जाते. तेव्हा डोळ्यांच्या आरोग्यासाठी वेळीच काही पदार्थ खाणे गरजेचे आहे. एकवेळी वयानुसार दृष्टी कमजोर झाल्यास आपण समजू शकतो मात्र तारुण्यातसुद्धा अनेक लोकांना नीट दिसत नाही. हे मात्र वाढत्या वयासह त्यांच्यासाठी आणखीच गंभीर ठरू शकतं. तेव्हा आजच तुमच्या डाएट फूडमध्ये या १० पदार्थांचा समावेश करा. जाणून घेऊया डायटिशीयन मनप्रीत कडून.

संत्री आणि बदाम

डायटीशियन मनप्रीत यांनी सांगितले की बदाम डोळ्यांसाठी खूप चांगले असते. 5 भिजवलेले बदाम रोज सकाळी रिकाम्या पोटी खावेत. यामध्ये व्हिटॅमिन ई, ओमेगा-३ फॅटी अॅसिड असतात, ज्यामुळे जळजळ कमी होते आणि डोळ्यांची दृष्टी वाढते. त्याच वेळी, दिवसातून 1 संत्री खाल्ल्याने व्हिटॅमिन सी देखील मिळते, ज्यामुळे डोळ्यांजवळील रक्तवाहिन्या निरोगी राहतात.

गाजर आणि रताळे

रोज संध्याकाळी रताळ्याची चाट बनवा आणि खा, त्यात बीटा कॅरोटीन असते जे कोरडे डोळे आणि अंधत्वाशी लढण्यास मदत करते. डोळ्यांच्या आरोग्यासाठी गाजर खाणे आवश्यक आहे. यात ल्युटीन आणि बीटा कॅरोटीन असते, जे डोळ्यांना निरोगी ठेवते. तुम्ही संध्याकाळी गाजराचा रसही पिऊ शकता. (Eye Care)

सूर्यफुलाच्या बिया आणि मेथीदाणे

1 चमचे सूर्यफुलाच्या बिया सॅलेड, फळ किंवा स्मूदीमध्ये खा. यामध्ये व्हिटॅमिन ई असते, जे म्हातारपणातही तुमच्या डोळ्याच्या दृष्टीला जपते. तसेच रोज सकाळी मेथीचे पाणी खावे किंवा पाण्यात भिजवून खाऊ शकता. यामुळे तुमच्या डोळ्यांची लेन्स खराब होत नाही.

पालक आणि बीट

पालक आहारात समाविष्ट केल्याने झेक्सॅन्थिन मिळते, जे वाढत्या वयात दृष्टी कमी होण्यास प्रतिबंध करते. याशिवाय नाश्त्यापूर्वी बीटरूट ज्यूस प्यायल्याने किंवा सॅलेड घेतल्याने ल्युटीन मिळते, ज्यामुळे रक्ताभिसरण वाढते. (beetroot)

वाटाणे आणि शेंगदाणे

वाटाणे डोळ्यांना रोग आणि मोतीबिंदूपासून वाचवतात आणि शेंगदाण्यामध्ये व्हिटॅमिन ई देखील असते ज्यामुळे डोळे निरोगी राहतात.