Eat Apple at Night : नियमित सफरचंद खाणे शरीरीसाठी पोषक असते. आरोग्यासाठी सफरचंद फायदेशीर आहे त्यामुळे दिवसांतून एकदा तरी एखादं सफरचंद खावं असा सल्ला आहारतज्ज्ञ आणि डॉक्टर देत असतात. कुणी आजारी असले तर त्याच्यासाठी आपण सफरचंदच घेऊन जातो. हे आरोग्यासाठी चांगले असल्याने हे फळ अनेकजण आवडीने खातात.

बऱ्याचवेळा आहारतज्ज्ञ सफरचंद खाण्यासाठी एक ठराविक वेळ देतात. त्याच वेळेला तुम्ही सफरचंद खाल्लं तर कोणतेही साईड इफेक्ट होणार नाहीत. कोणत्याही गोष्टीचा अतिरेक हा आरोग्यासाठी घातक ठरु शकतो. तसेच अवेळी सफरचंद खाल्ल्याने आरोग्यावर विपरीत परिणाम होऊ शकतात. एवढेच नाही, तर ही सवय तुम्हाला इतका त्रास देऊ शकते की तुमच्या पोटात तीव्र वेदना होऊ शकतात.

'या'वेळी सफरचंद खाल्ल्याने आरोग्यासाठी तोट्याचे ठरेल..

काही सल्लागार आहारतज्ञ सांगतात की, तुम्ही रात्री अधिक प्रमाणात सफरचंद खाणे टाळले पाहिजे. यामुळे तुमची पचन प्रक्रिया खूप मंद होऊ शकते आणि सफरचंद पचने कठीण होऊ शकते. याचा परिणाम म्हणून तुम्हाला बद्धकोष्ठतेचा त्रास जाणवू शकतो. याशिवाय गॅसमुळे तीव्र ओटीपोटात दुखू शकते. त्यामुळे सफरचंद सहसा सकाळी खावे. ज्यामुळे तुमचे आरोग्य उत्तम राहिल.

सफरचंद खाण्याचे फायदे -

• आहारतज्ज्ञांच्या मते, सफरचंद सकाळी आणि दुपारी खावे यामुळे तुम्हाला अनेक फायदे मिळू शकतात. सफरचंद रात्री ऐवजी सकाळी आणि दुपारी खाल्ल्यास खालीलप्रमाणे फायदे मिळतील.

• सफरचंदांमध्ये एक प्रकारचे विरघळणारे फायबर असते जे तुमच्या शरीरात कोलेस्ट्रॉल तयार होण्यापासून रोखत असते.

• जर तुम्ही सकाळी सफरचंद खाल्ले तर त्यात असलेले फायबर तुमच्या पोटासाठी खूप फायदेशीर ठरू शकते.

• सफरचंदाच्या नियमित सेवनाने बद्धकोष्ठतेसारख्या समस्यांपासून आराम मिळतो.

• सफरचंदांमध्ये दाहक-विरोधी गुणधर्म असतात, जे रोगप्रतिकारक शक्ती वाढवतात.

  आणि व्हिटॅमिन-सी किंवा इतर अनेक रोगांपासून तुमचे संरक्षण करण्याचे काम करतात.

• मधुमेहाचे रुग्ण सफरचंदाचे सेवन करू शकतात. कारण मधुमेहासाठी सफरचंद हे एक अनुकूल फळ आहे. जे आरोग्यासाठी फायदेशीर आहे.