Child Health Care: सकस आहार आणि व्यायाम केल्यास आरोग्य निरोगी राहते. मग वय कोणतेही असो शरीराला योग्य प्रमाणात पोषक घटक मिळणे आवश्यक असते. आपल्या खाण्यापिण्याच्या सवयी आपल्या बालपणातील आवडीनिवडी आणि घरातील वातावरणाशी निगडीत असतात.

पालकवर्ग मुलांना संतुलित आणि पोषक आहार देण्यावर भर देतात. आहाराच्या सवयी कुटुंबापासून सुरू झाल्यामुळे आणि पालक मुलाच्या योग्य आहाराच्या सवयींचा भक्कम पाया घालू शकतात. अशावेळी मुलांना संतुलित आहार देण्याचे आणि त्यांना आयुष्यभर निरोगी आहाराच्या सवयी पाळण्यास प्रवृत्त करण्याचे काम पालक करू शकतात.

डॉ. पी.के. मिश्रा, बाल रक्षा भारत अभियानाचे प्रमुख यांनी पुढे काही टिप्स दिल्या आहेत. ज्याचा वापर करून पालक त्याच्या मुलांना निरोगी आयुष्य देऊ शकतात.

आहारात विविधता आणावी

मुलांना विविध प्रकराचे पदार्थ खायला दिवे पाहिजे. यासाठी सर्वोत्तम मार्ग म्हणजे तिरंगा पद्धत वापरावी. आहारात केशरी, पांढरा आणि हिरव्या पदार्थांचा समावेश करावा. उदाहरणार्थ, केशरी रंगासाठी तुम्ही डाळी, संपूर्ण धान्य इत्यादीपासून तयार केलेली खिचडी मुलाला देऊ शकता. पांढऱ्या रंगासाठी दूध, तांदूळ किंवा अंडी आणि हिरव्या रंगासाठी मुलांच्या ताटात हिरव्या पालेभाज्यांचा समावेश करू शकता.

पोषक पदार्थांचे महत्व

निरोगी प्लेट कशी बनवली जाते ते तुमच्या मुलाला सांगा. त्यातील पोषण आणि संतुलित आहाराचे फायदे समजावून सांगावे. बालपणात दिलेले पोषण शिक्षण पुढेही फायदेशीर ठरते.

एकत्र जेवण करावे

जर आई-वडील वर्किंग असेल तर दिवसातून एकदा तरी एकत्र जेवण करावे. शक्यतो संध्याकाळी एकत्र जेवण करावे.

आनंदाने खावे

जेवण करणे म्हणजे केवळ पोट भरणे नाही. एकत्र जेवण करणे म्हणजे कुटूंबासोबत एकत्र वेळ घालवण्याची ही एक उत्तम संधी आहे. जेवतांना मनोरंजक विषय निवडावे. जेवणाची वेळ प्रत्येकासाठी आरामदायी आणि आनंददायक असावी.

टीव्ही पाहताना जेवण करू नका

आजकालच्या मुलांना जेवताना टीव्ही आणि फोन पाहायला आवडते. यामुळे जेवणाकडे लक्ष राहत नाही. जेवताना अन्न, त्याची चव, रंग आणि तापमान याकडे लक्ष द्यावे.

भूक नसताना खायाल देऊ नका

भूक नसताना जास्त जेवण केल्यास पचनसंस्थेवर ताण वाढतो आणि लठ्ठपणा येऊ शकतो. अनेक लोक कँडी, क्रॅकर्स, खारे शेंगदाणे, पिझ्झा किंवा बर्गरसारखे प्रक्रिया केलेले पदार्थ अधिक खातात. परंतु या पदार्थांमध्ये मीठ, साखर आणि फॅट्स जास्त असते. त्यामुळे या सर्व पदार्थांचे सेवन करताना काळजी घ्या.

पॅकिंगवरचे लेबले वाचा

फूड पॅकेजच्या मागील बाजूस लिहिलेले घटक वाचण्याची सवय स्वत:ला लावून घ्यावी. आपल्या आहारातील मीठ, साखर आणि चरबीचे प्रमाण नियंत्रित करण्याचा हा एक प्रभावी मार्ग आहे. लेबल वाचण्याची सवय लावून घेतल्यास, तुम्ही केवळ स्वतःलाच नाही तर तुमच्या मुलांनाही योग्य पोषण मिळण्यास मदत कराल.