ऑफिसमध्ये किंवा घरी लॅपटॉप, संगणकावर बसून दिवसभर काम करावे लागते. त्यामुळे सतत आपल्या हातांच्या बोटांना आणि डोळ्यांना त्याचा त्रास होतो. त्याचबरोबर डोळ्यांना लॅपटॉप किंवा संगणक वापरल्यामुळे थकवा जाणवतो आणि डोळे जळजळ करतात. जर तुम्हाला देखील हा त्रास होत असेल किंवा तणाव जाणवत असेल तर काही सोप्या घरगुती उपायांचा अवलंब करून तुम्ही होणाऱ्या समस्येपासून सुटका प्राप्त करू शकता.

डोळ्यांना आराम द्या

काम करत असताना सतत लॅपटॉप किंवा मोबाइलचा वापर करावा लागत असेल तर काम करत असताना थोड्या थोड्या वेळाने ब्रेक घ्या. याने तुमचे डोळे दुखायचे किंवा जळजळ कमी होतील. तसंच जर तुम्हाला तुमचे डोळे कोरडे होत आहेत असं वाटत असेल तर त्यासाठी तुम्ही आय ड्रॉप्स वापरू शकता.

टी बॅग आय मास्क

डोळ्यांचा थकवा दूर करण्याचा सर्वात सोपा उपाय म्हणजे टी बॅग. याचा वापर करण्यासाठी टी बॅग्सच्या पिशव्या काहीवेळ फ्रीजमध्ये ठेवा. फ्रीजमधून काढल्यानंतर बॅग सामान्य पाण्यात बुडवून डोळ्यांवर ठेवा. या टी बॅगच्या वापराने डोळ्यांचा थकवा दूर होण्यासोबतच डोळ्याखालील काळ्या वर्तुळाची समस्याही दूर होते.

काकडी मास्क

काकडीचे गोल काप करून डोळ्यावर ठेवू शकता. यामुळे डोळे थंड होण्यास मदत होईल. यासोबतच या मास्कमुळे डोळ्यांचा थकवा सहज दूर होईल.

गुलाबपाणी

गुलाबपाणीच्या वापरामुळे डोळ्यांतील कोरडेपणा आणि थकवा येण्याची समस्या सहजपणे दूर होते. यासाठी कापूस किंवा कॉटन पॅड गुलाब पाण्यात बुडवा आणि काही वेळ डोळ्यांवर ठेवा. यामुळे तुमच्या डोळ्यांना नक्कीच आराम मिळेल.