शिरपूर जैन : मॉडर्न लाइफस्टाइल जगण्याच्या नावाखाली जंक फूड खाण्याचे प्रमाण दिवसेंदिवस वाढत आहे. पाश्चात्य संस्कृतीचे अनुकरण सर्वत्र होत आहे. यामुळे आहारात पोषक तत्वांची कमतरता ,स्थूलता अशा अनेक कारणांमुळे लहान मुलांमध्ये कॅल्शियमची कमतरता जाणवू लागली आहे. त्यामुळे पालकांनी आपल्या मुलांच्या कॅल्शिअम गरजेकडे प्राधान्याने लक्ष देण्याची गरज निर्माण झाली आहे.

विविध ठिकाणी किंवा हॉटेलमध्ये विकले जाणारे जंक फूड लहान मुलांपासून ते मोठयापर्यंत अनेक जण आवडीने खाताना दिसून येतात, एखाद्या वेळेस जंकफूड सारखे पदार्थ खाणे ठीक आहे, परंतु बरीचशी लहान मुले इतर काही खातच नसल्याच्या तक्रारी वाढत आहेत. ते केवळ जंकफूड च मागतात. परंतु यामुळे लहान मुलांच्या आरोग्यावर त्याचा विपरीत परिणाम होऊ शकतो.पालकांकडून याकडे लक्ष देणे गरजेचे आहे.

लहान मुलांमध्ये वाढत्या वयासोबत त्यांचा विकास होत असतो.शरीरात कॅल्शियमची कमतरता निर्माण झाल्यास हाडे ठिसूळ होतात, दात लवकर तुटणे असे परिणाम दिसून येतात. यासोबतच कॅल्शियमच्या कमतरतेमुळे हात आणि पायाला मुंग्या येणे, अशक्तपणा जाणवणे अशा समस्या उद्भवतात. मात्र मुले पालकाकडे जंकफूड खाण्यासाठी आग्रह धरला जातो,जंकफूडचा अतिसेवनाने याचा विपरीत परिणाम शरीरावर दिसून येत आहे.

जंकफूड अतिसेवनामुळे कॅल्शियम कमी

जंकफूडमध्ये फॅट, कार्बोहायड्रेटचे प्रमाण अधिक असते, तर प्रोटीन, व्हिटॅमिनचे प्रमाण कमी असते.त्यामुळे त्यांच्या अतिसेवनामुळे कॅल्शियम, लोह कमी होण्याची शक्यता अधिक असते. सोबतच लठ्ठपणा व ईतर समस्या ,उच्चरक्तदाब,हार्ट संबंधित समस्या कमी वयातच जाणवू शकतात.त्यामुळे पोषक आहार, हिरव्या पालेभाज्याचा वापर आहारात करणे गरजेचे आहे.त्यामुळे शरीरात कॅल्शियम ची पूर्तता होऊ शकते.