Benefits Of Eating Sweet Potato On Fasting In Marathi :

उपवास म्हटलं की, पटकन आठवणारे पर्याय म्हणजे साबुदाणा अन् बटाटे, शेंगादाणे. पण सारखा साबुदाणा, शेंगदाणे, बटाटे खाल्ल्याने पोटात गॅस, अॅसिडीटी, अपचन अशा समस्या होऊन पोट खराब होण्याची शक्यताच अधिक असते. मात्र यावर पर्याय काय, ते लवकर सापडत नाही.

श्रावणात अनेकांचे उपवास असतात. त्यात आज श्रावण सोमवार असल्याने बहुतेकांचा उपवास असतोच. अशावेळी रताळी खाणे हा एक चांगला पर्याय ठरू शकतो. याचे आरोग्याला अनेक फायदे आहेत, असं सेलिब्रिटी डायटेशियन ऋजुता दिवेकर सांगतात. जाणून घेऊया.

रताळे खाल्ल्याने होणारे फायदे

डायबेटिस असणाऱ्यांसाठी उपयुक्त

ऋजुता दिवेकर यांनी आपल्या एका सोशल मीडिया पोस्टमध्ये सांगितलं आहे की, रताळे हे एक परफेक्ट फूड आहे. ते रक्तातील साखरेची पातळी नियंत्रणात ठेवण्यासाठी उपयुक्त ठरते. उकडलेल्या रताळ्याचा ग्लायसेमिक इंडेक्स कमी असतो. त्यामुळे मधुमेहींनी रताळे उकडून खावे.

हृदय विकार आणि कर्करोग

रताळ्यात अँटीऑक्सिडंट्स भरपूर प्रमाणात असतात. यामुळे हृदयविकार आणि कर्करोग . यांचा धोका कमी करण्यासाठी रताळे खाणे उपयुक्त ठरते.

पीसीओडी

अनेक महिलांना पीसीओडीचा त्रास असतो. अशा महिलांनी नियमितपणे रताळे खायला हवे.

अपचन, अॅसिडिटी, काँस्टीपेशन

रताळ्यांमध्ये फायबर भरपूर प्रमाणात असतात. त्यामुळे ज्यांना अपचन, अॅसिडिटी, काँस्टिपेशन असा त्रास होतो त्यांनी रताळे खावे.

वजन कमी करणे

वजन कमी करण्यासाठी जे प्रयत्न करतात त्यांनी तर रताळी खायलाच हवेत. कारण रताळ्यात फायबरचे प्रमाण चांगले असते, जे वजन कमी करण्यासाठी उपयुक्त ठरू शकते.

डोळ्यांचे आरोग्य

रताळ्यामध्ये व्हिटॅमीन ए चे प्रमाण चांगले असते. त्यामुळे डोळे, त्वचा चांगली राहण्यास मदत होते. शिवाय यात व्हिटॅमीन बी आणि इतर खनिजेपण असतात.

रोग प्रतिकारक शक्ती

रोगप्रतिकारक शक्ती वाढवण्यासाठी रताळे उपयुक्त ठरतात. वारंवार आजारी पडणाऱ्या लोकांनी नियमित रताळी खाणे आवश्यक आहे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.