Summer Care : कडक उन्हामुळे अनेकांना त्वचेच्या आजारांची समस्या भेडसावत आहे. त्वचाविकारांचा संभाव्य धोका टाळण्यासाठी नागरिकांनी उन्हात घराबाहेर पडताना त्वचेचे आरोग्य जपण्याचा सल्ला डॉक्टरांनी दिला आहे.
एप्रिलची सुरवात झाली असून, उन्हाची प्रखरता वाढली आहे. त्यामुळे अनेक नागरिकांना कडक उन्हामुळे त्वचेचे दुष्परिणाम जाणवत आहेत. उन्हामुळे घाम येऊन घामातील खारट द्रवांमुळे ग्रंथीची नलिका सुजणे व घामोळ्या, पुरळ येणे असे प्रकार घडत आहेत.
उन्हामुळे अॅलर्जीत वाढ झाली आहे. अंगावर लाल चट्टे उठणे, चक्कर येणे, डोके दुखणे, डोळे चुरचुरणे यांसारखे प्रकार घडत आहेत. त्यामुळे अनेकांनी सायंकाळच्या वेळीच घराबाहेर पडणे पसंत केले आहे.
उन्हाळ्यात गजकर्णसारखे त्वचेचे आजार होतात. घामामुळे पट्ट्याची, दागिन्यांची, चपलांची अॅलर्जी होते. उन्हामुळे कातडी काळी पडणे, स्त्रियांमध्ये चेहऱ्यावर वांग पडणे या तक्रारी वाढत आहेत.
डिहायड्रेशनच्या रुग्णांमध्ये वाढ झाली आहे. दुपारी घराबाहेर जाण्याचे टाळावे, सुती कपड्याचा वापर करावा. छत्री, टोपी, गॉगल्सचा वापर करावा. भरपूर पाणी प्यावे, मसाल्याचे पदार्थ टाळावेत, ताक, सरबत, फळे यांचा वापर करावा. मोकळ्या हवेच्या ठिकाणी बसावे एसीतून बाहेर पडल्यावर लगेच उन्हात जाऊ नये. घराबाहेर पडता गॉगल व हेल्मेटचा वापर करून उन्हापासून संरक्षण करता येते. तसेच डॉक्टरांचा सल्ला घ्यावा. परस्पर उपचार घेणे टाळावे.
- डॉ. अनिरुद्ध लोंढे, एम. डी. जनरल मेडिसीन, पैठण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.