सांगली: अहिल्यादेवी होळकर यांच्या स्मारकाचा लोकार्पण सोहळा येत्या २ एप्रिलला राष्ट्रवादी काँग्रेस पक्षाचे अध्यक्ष शरद पवार यांच्या हस्ते होत आहे. त्याबाबतचा कार्यक्रम महापौरांसह राष्ट्रवादीच्या पदाधिकाऱ्यांकडून जाहीर करण्यात आला. मात्र अहिल्यादेवी होळकर (Ahilyabai Holkar) यांच्या स्मारकाचे लोकार्पण मेंढपाळांच्या हस्ते करण्याचा निर्धार भाजप आमदार गोपीचंद पडळकर (Gopichand Padalkar) यांनी आज केला. यावेळी धनगर समाजातील हजारो कार्यकर्ते मोठ्या संख्येने उपस्थित होते. डिजिटल इंडियामध्ये ड्रोनचा वापर करुन स्मारकावरती फुले टाकली आणि उद्घाटन केलं असे पडळकरांनी जाहीर केले.