ICC Player of The Month : यादीत भारताचा एकही खेळाडू नाही, युएई अन् पाकिस्तानचे क्रिकेटर आघाडीवर

ICC Player of The Month : आंतरराष्ट्रीय क्रिकेट काऊन्सीलने आज एप्रिल महिन्याचे आयसीसी मेन्स प्लेअर ऑफ द मंथच्या नॉमिनेटेड खेळाडूंची यादी जाहीर केली आहे. या यादीत युएई, नामीबिया आणि पाकिस्तान या संघाच्या खेळाडूंचा समावेश आहे. या यादीत एकाही भारतीय खेळाडूचा समावेश आहे.

ही काही मोठी गोष्ट नाही कारण भारतीय खेळाडू हे आयपीएल खेळत आहेत. या काळात भारताने एकही आंतरराष्ट्रीय मालिका खेळलेली नाही. त्यामुळेच या यादीत भारतीय संघातील एकाही खेळाडूचा समावेश नाही.

गेरहार्ड इरासमस (नामीबिया)

आयसीसी मेन्स प्लेअर ऑफ द मंथसाठीच्या खेळाडूंच्या यादीत पहिलं नाव हे नामीबियाचा खेळाडू गेरहार्ड अरासमसचे आहे. गेरहार्ड हा नामीबियाचा कर्णधार देखील आहे. एप्रिल महिन्यात गेरहार्डने दमदार कामगिरी केली होती. त्याने टी 20 मालिकेत गोलंदाजी आणि फलंदाजीत देखील दमदार कामगिरी केली. या मालिकेत तो प्लेअर ऑफ द मॅच देखील झाला होता.

मोहम्मद वसीम (युएई)

युएईचा खेळाडू मोहम्मद वसीम एप्रिल महिन्याच्या सुरूवातीला फार काही चांगली कामगिरी करू शकला नव्हता. मात्र त्याने आपला फॉर्म परत मिळवत कुवैत विरूद्धच्या मालिकेत वसीमने तीन सामन्यात 65,48 आणि 45 अशा धावा केल्या. त्याचबरोबर एसीसी प्रीमियर कपच्या अंतिम सामन्यात वसीमने दमदार शतक देखील ठोकलं होतं.

शाहीन आफ्रिदी (पाकिस्तान)

पाकिस्तानचा वेगवान गोलंदाज शाहीन आफ्रिदीने न्यूझीलंडविरूद्धच्या टी 20 मालिकेत दमदार कामगिरी केली. शाहीन हा या मालिकेत पाकिस्तानकडून सर्वाधिक विकेट्स घेणारा गोलंदाज ठरला. मालिकेतील दुसऱ्या सामन्यात शाहीनच्या भेदक माऱ्यामुळं पाकिस्ताननं न्यूझीलंडला 90 धावात गुंडाळलं. या सामन्यात आफ्रिदीने 13 धावा देत 3 विकेट्स घेतल्या होत्या. पाकिस्तान आणि न्यूझीलंडची मालिका 2-2 अशी बरोबरीत सुटली.

(Cricket Marathi News)