उर्जा मंत्री नितीन राऊत आणि उपमुख्यमंत्री अजितदादा पवार यांच्यात निधी वाटपासून अनेक मुद्यावर कॅबीनेट बैठकीत उडालेले खटके, शाब्दिक चकमकी सर्वांना ठाऊक आहे. मात्र बुधवारी या दोन्ही नेत्यामधील वेगळाच जिव्हाळा अनुभवायला मिळाला. एरवी आपल्या कॅबीनेट सहकाऱ्यांच्या भेटायला त्यांच्या बंगल्यामध्ये अभावाने जाणारे अजित पवार थेट नितिन राऊत यांच्या मलबार हिलमधील पर्णकुटी या बंगल्यावर पोहोचले आणि काही शासकीय विषय वगळता दोन्ही नेत्यामध्ये जवळपास ३० मिनीटे गप्पा रंगल्या.