Cholesterol reducing fruits Sakal
Cholesterol reducing fruits: कोलेस्ट्रॉल ही आजकाल एक गंभीर समस्या बनली आहे. आजकाल केवळ प्रौढच नाही तर तरुणांनाही याचा सामना करावा लागत आहे. खराब आहार आणि बैठी जीवनशैली हे यामागे सर्वात मोठे कारण आहे. हृदयाशी संबंधित रोग, स्ट्रोक आणि हृदयविकाराचा झटका यांसारख्या गंभीर आणि जीवघेण्या आजारांचा धोका असतो. कोलेस्टेरॉल शरीराच्या प्रत्येक पेशीमध्ये आढळते. हे शरीरासाठी देखील आवश्यक आहे. चांगले कोलेस्टेरॉल पदार्थांचे पचन, हार्मोन्सचे उत्पादन आणि इतर अनेक कार्यांमध्ये सामील असते. हे सर्व कचरा आणि विषारी पदार्थ यकृताकडे परत आणते. परंतु आपल्या शरीरामध्ये खराब कोलेस्टेरॉल देखील आढळते. ज्यामुळे रक्तवाहिन्यांच्या भिंतींवर प्लेकचा एक थर तयार होतो, ज्यामुळे रक्त वाहून जाण्यास अडथळा होतो. सध्या उन्हाळा सुरू असल्याने या स्वस्त फळांचे सेवन करावे जेणेकरुन हा कोलेस्ट्रॉल शरीरातून बाहेर पडू शकेल आणि तुमचे रक्ताभिसरण चांगले राहील.
1. द्राक्षे- द्राक्षे फायबरचा उत्तम स्रोत आहेत. द्राक्षांचे नियमित सेवन केल्याने नैसर्गिकरित्या कोलेस्ट्रॉलची पातळी कमी होण्यास मदत होते. द्राक्षे वजन नियंत्रित ठेवण्यास देखील मदत करतात, जे हृदयविकारांमागील एक कारण असल्याचे सांगितले जाते.
2. लिंबूवर्गीय फळे- उन्हाळ्यात सर्व प्रकारची लिंबूवर्गीय फळे खाणे हृदयाशी संबंधित आजार दूर करण्यासाठी फायदेशीर ठरू शकते. तुम्ही तुमच्या आहारात लिंबू आणि संत्र्यासारखी लिंबूवर्गीय फळे समाविष्ट करू शकता, कारण ते व्हिटॅमिन सी ने भरलेले असतात, जे रोगप्रतिकारक शक्ती देखील वाढवतात.
3. सफरचंद- सफरचंद हे असे फळ आहे, जे केवळ कोलेस्ट्रॉलच नाही तर शरीरात जमा होणारे इतर हानिकारक पदार्थही कमी करू शकते. सर्व हृदयरोगींनी त्यांच्या आहारात सफरचंदाचा समावेश करावा कारण ते नैसर्गिकरित्या कोलेस्ट्रॉलची पातळी कमी करण्यास मदत करते. सफरचंदातील फायबर पेक्टिनच्या उपस्थितीमुळे कोलेस्ट्रॉल कमी होण्यास मदत होते.
4. स्ट्रॉबेरी- NCBI च्या अहवालानुसार, मानवी शरीरातील कोलेस्टेरॉलची पातळी कमी करण्यासाठी स्ट्रॉबेरी हे उत्तम फळ आहे. हे अँटिऑक्सिडंट्सचा चांगला स्रोत आहे, जे कोलेस्ट्रॉलची पातळी नियंत्रित ठेवण्यास मदत करते. याशिवाय, हे जीवनसत्त्वांचे भांडार आहे आणि त्यात कॅलरीज खूप कमी आहेत. तुम्ही रोज सकाळी नाश्त्यात स्ट्रॉबेरी घेऊ शकता.
5. पपई- फायबर समृद्ध पपई उच्च रक्तदाब नियंत्रित करण्यास मदत करते. ती खराब कोलेस्ट्रॉलची पातळी देखील नियंत्रित करते. फायबर पचन सुधारण्यास मदत करते आणि आतडे देखील स्वच्छ करते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.