Vada Pav Girl: ना अटक झाली, ना केस.. मग वडापाव गर्लला का घेऊन गेले दिल्ली पोलीस? व्हायरल व्हिडीओमागचं कारण जाणून घ्या

Vada Pav Girl: सोशल मीडियावर कधी काय व्हायरल होईल, सांगताना येत नाही. सध्या 'वडापाव गर्ल' (Vada Pav Girl) ही सोशल मीडियावर चर्चेत आहे. वडापाव गर्लचं खरं नाव चंद्रिका गेरा दीक्षित, असं आहे. वडापाव गर्लचे अनेक व्हिडीओ सोशल मीडियावर व्हायरल होत असतात. अशातच आता तिचा आणखी एक व्हिडीओ सोशल मीडियावर व्हायरल झाला आहे. या व्हिडीओमध्ये दिसत आहे की, पोलीस वडापाव गर्लला घेऊन जात आहेत. वडापाव गर्लला अटक करण्यात आली आहे, अशी चर्चा हा व्हिडीओ व्हायरल झाल्यानंतर सोशल मीडियावर होऊ लागली. आता या संपूर्ण प्रकरणावर दिल्ली पोलिसांनी स्पष्टीकरण दिलं आहे.

पोलिसांनी सांगितलं सत्य

चंद्रिका गेरा दीक्षित उर्फ ​​'वडापाव गर्ल' गेल्या काही महिन्यांपासून दिल्ली येथील मंगोलपुरी भागात वडापावचा स्टॉल लावत आहे. तिच्या या स्टॉलचे फोटो आणि व्हिडीओ व्हायरल होत आहे, अशातच आता सोशल मीडियावर तिचा आणखी एका व्हिडीओ व्हायरल झाला. या व्हिडीओमध्ये काही महिला पोलीस अधिकारी हे वडापाव गर्लला घेऊन जाताना दिसले. हा व्हिडीओ व्हायरल झाल्यानंतर सोशल मीडियावर चर्चा होऊ लागली की, वडापाव गर्लला अटक झाली आहे. आता पोलिसांनी या चर्चेला पूर्णविराम दिला आहे. पोलिसांनी सांगितलं आहे की, वडापाव गर्लला अटक झालेली नाही, तसेच तिच्याविरोधात गुन्हा देखील दाखल झालेला नाही.

पोलीस अधिकाऱ्यांनी दिलेल्या माहितीनुसार, वडापाव गर्ल ही एमसीडीच्या परवानगीशिवाय तिचा स्टॉल चालवतात आणि काही फूड ब्लॉगर्स आणि यूट्यूबर्सच्या पाठिंब्यामुळे ती इंस्टाग्रामवर व्हायरल झाली.

ना अटक झाली, ना केस..

काही दिवसांपूर्वी, वडापाव गर्लनं रस्त्यावर MCD च्या परवानगीशिवाय एका भंडाऱ्याचे आयोजन केले होते. ज्यामुळे वाहतूक कोंडी झाली लोकांची गैरसोय झाली. याबाबत तक्रार आल्यानंतर अधिकाऱ्यांनी तिला पोलीस ठाण्यात नेले होते, ज्याचा व्हिडीओ सोशल मीडियावर व्हायरल झाला. डीसीपी आऊटरच्या म्हणण्यानुसार, या वडापाव गर्लला अटक करण्यात आली नाही किंवा तिच्या विरोधात कोणाताही गुन्हा दाखल करण्यात आला नाही. एमसीडीने तिला फक्त चलन जारी केले होते.