Farhan-Shibani Akhtar Bollywood couple wedding
लग्नात दोघांनी एकमेकांसाठी लिहिलेली वचनं !
फरहान अख्तर (Farhan Akhtar) आणि शिबानी दांडेकर (Shibani Dandekar) यांचं अखेर खंडाळा य़ेथील अभिनेत्याच्या फार्म हाऊसवर लग्न पार पडतंय. या लग्नाचे काही फोटो सध्या सोशल मीडियावर पहायला मिळत आहेत. खरं तर काही दिवसांआधी बोललं जात होतं की हे दोघे महाराष्ट्रीयन पद्धतीनं लग्न करणार आहेत. पण लग्नाचा पहिला फोटो समोर आल्यानंतर सगळ्या चर्चांना पूर्णविराम मिळाला आहे.खंडाळा येथील जावेद अख्तर आणि शबाना आझमी यांच्या 'सुकून' या फार्महाऊसवर एका अनोख्या पद्धतीत हे लग्ना पार पडलं आहे. लग्नात फरहाननं काळ्या रंगाचा सूट घातला होता तर शिबानीन लाल रंगाचा गाऊन घातला होता. या लग्नात दोघांनी एकमेकांसाठी लिहिलेली वचनं माईकवर सर्वांसमोर जाहिरपणे बोलून दाखवली. या लग्नसोहळ्याचे काही फोटो सोशल मीडियावर व्हायरल झाले आहेत, अन् फरहान-शिबानीच्या चाहत्यांनी त्यांच्यावर अभिनंदनाचा वर्षाव केला आहे.या लग्नात ना सप्तपदीचे सूर आळवले गेले ना, कबलू है म्हटलं गेलं. तर फरहान-शिबानी यांनी स्वतः एकमेकांसाठी लिहिलेली काही वचनं सर्वांसमोर बोलून दाखवली. या लग्नाला शिबानीची बहिण अनुषा दांडेकर, मैत्रिण रिया चक्रवर्ती, फरहानची बहिण झोया अख्तर, हृतिक रोशन, राकेश रोशन, आशुतोष गोवारिकर, त्यांची पत्नी आणि इतर जवळील नातेवाईक तसंच मित्रपरिवार उपस्थिती राहिले होते.फरहान नक्कीच धमाल करताना दिसत आहे.या लग्नानंतर पार पडलेल्या पार्टीत शंकर महादेवन यांनी 'दिल चाहता है' गाणं म्हटलं. तर हृतिकनंही निर्माती-दिग्दर्शिका फरहा सोबत या गाण्यावर ताल धरला. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.