Eknathi shinde news esakal
राज्याच्या राजकारणात सध्या बंडाचे वारे वाहू लागले आहेत. त्यामुळे कार्यकर्ते देखील संभ्रमित झाले आहेत. आपण नेमकं कुणाच्या बाजुनं उभं राहायचा असा प्रश्न त्यांच्यापुढे निर्माण झाला आहे. शिवसेनेचे ज्येष्ठ नेते आणि मंत्री एकनाथ शिंदे यांनी बंड करत शिवसेनेतून 40 आमदारांसह गुवाहाटी गाठली आहे. या प्रकरणावर राज्यातील ज्येष्ठ नेत्यांनी देखील मौन बाळगले आहे. यासगळ्याचे पडसाद सोशल मीडियावर देखील मोठया प्रमाणात उमटले आहेत.
मराठी चित्रपटसृष्टीतील युवा अभिनेता आरोह वेलणकर यानं आता महाआघाडीचा काळ संपत आल्याचे ट्विट केले होते. दुसरीकडे धर्मवीर चित्रपटामध्ये एकनाथ शिंदे यांची भूमिका ज्या अभिनेत्यानं केली त्या क्षितिज दातेनं आपला राग व्यक्त केला आहे. क्षितिजनं सोशल मीडियावर एक पोस्ट शेयर करुन आपल्याबद्दल वेगळ्या प्रकारच्या मीम्स व्हायरल झाल्याची खंत व्यक्त केली आहे. प्रवीण तरडे दिग्दर्शित धर्मवीर आनंद दिघे या चित्रपटात एकनाथ शिंदेंची भूमिका क्षितिजनं केली होती. सध्या एकनाथ शिंदे यांनी शिवसेनेच्या आमदारांना सोबत घेऊन बंडखोरी जाहिर केली आहे. त्याचा संबंध धर्मवीरशी लावून सोशल मीडियावर काही मीम्स व्हायरल झाले आहे. त्यात क्षितिजनं एकनाथ शिंदे यांची भूमिका केलेला फोटो व्हायरल होतो. एका वृत्तपत्रानं तो छापला आहे असे क्षितिजनं म्हटलं आहे. तो फोटो आपल्या इंस्टाच्या स्टेट्सला ठेवून क्षितिजनं नाराजी व्यक्त केली आहे. आपल्या पोस्टमध्ये क्षितिज म्हणतो की, मोठी राजकीय उलाढाल सुरु आहे. मीम्स व्हायरल होणं वेगळं. पण तेच वृत्तपत्रात छापणं वेगळं. अशा शब्दांत त्याने नाराजी व्यक्त केलीय. ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.