ओरोस : सिंधुदुर्गात लक्षवेधी ठरलेल्या चारही नगरपंचायतीचे (Sindhudurg Nagar Panchayat Election)निकाल महाविकास आघाडी आणि भाजप (BJP) या दोन्ही प्रतिस्पर्ध्यांसाठी ‘कही खूशी कही गम’ देणारे ठरले. भाजपची सत्ता असलेल्या कुडाळमध्ये (Kudal) त्रिशंकू स्थिती असून, येथे काँग्रेसचे दोन नगरसेवक सत्ताधीश ठरवणार आहेत. आमदार नीतेश राणेंच्या (Nitesh Rane) मतदारसंघातील देवगडमध्ये भाजपला धक्का देत महाविकास आघाडीने (Mahavikas Aaghadi)सत्ता मिळवली आहे. वैभववाडीत राणेंचे वर्चस्व कायम राहून भाजपला निर्विवाद बहुमत मिळाले. दोडामार्गात भाजपने बहुमत मिळवत शिवसेनेचे आमदार दीपक केसरकर यांच्या मतदारसंघात ठसठशीत विजय मिळवला आहे.