फोटोग्राफी

निसर्गरम्य सिंहगडावर वसलंय नवं रिसोर्ट; पाहा फोटो

एकावेळी साधारणपणे ३५ पर्यटकांची सोय या ठिकाणी करण्यात आली आहे.

राजेंद्रकृष्ण कापसे

महाराष्ट्र पर्यटन विकास महामंडळा (MTDC) च्या सिंहगडावरील (sinhgad) जुन्या बंगल्याचे नुकतेच नूतनीकरण करण्यात आले. एकावेळी साधारणपणे ३५ पर्यटकांची सोय या ठिकाणी करण्यात आली असून रुचकर भोजनासाठी उपहारगृहाची व्यवस्था करण्यात आली आहे. सध्या जिल्हात कोरोनाचा (corona) प्रादुर्भाव संपल्यावर हे पर्यटन निवासस्थान पर्यटकांसाठी खुले केले जाणार आहे. अशी माहिती पर्यटन विभागाने दिली आहे. पाहूयात या पर्यटन निवासस्थानाचे खास फोटो...

सिंहगडावरील पर्यटन निवासस्थानाचे उद्घाटन मंगळवारी (17 ऑगस्ट) मुंबईहून मुख्यमंत्री उद्धव ठाकरे यांच्या हस्ते व्हिडीओ कॉन्फरन्सिंग द्वारे झाले. त्यावेळी, उपमुख्यमंत्री अजित पवार , महसूल मंत्री बाळासाहेब थोरात , पर्यटन मंत्री आदित्य ठाकरे पर्यटन राज्यमंत्री आदिती तटकरे , मंत्रालयातील व पर्यटन खात्याचे वरिष्ठ अधिकारी उपस्थित होते.
सिंहगडावरील हा बंगला पूर्वी रेव्हेन्यू वेल्फेअर असोशिएशनचा साधा बंगला होता. त्याच्या खोल्या देखील सध्या होत्या. यापूर्वी हा पूर्वी बंगला भाडेतत्वावर दिला होता. आता त्याचे नूतनीकरण केले आहे. पर्यटनची ३२ गुंठे जागा आहे.
या पर्यटक निवास इमारतीची श्रेणीवाढ करताना अस्तित्वातील इमारती मध्येच दोन सुट, एक व्हीआयपी सुट, एक लोकनिवास (डॉरमेटरी), व्यवस्थापक कक्ष, उपहारगृह आणि डायनिंग यांची सुविधा केली आहे. दोन सुट, व्हीआयपी सुट वातानुकुलीत केला आहे. सुटमध्ये आकर्षक सिलींग, आधुनिक फर्निचर बनविले असून आधुनिक स्वच्छतागृह केले आहे. या ठिकाणी महिला आणि पुरुषांसाठी प्रत्येकी अशा दोन लोकनिवासा(डॉरमेटरी)ची सोय आहे.
पर्यटक निवास गडावरील हवा पॉईंट जवळ आहे. सिंहगड पर्यटक निवास बुकिंग www.maharashtratourism.gov.in या संकेत स्थळावरून करता येणार आहे.
सध्या कोरोनाचा प्रादुर्भाव संपल्यावर हे पर्यटन निवासस्थान पर्यटकांसाठी खुले केले जाणार आहे. महामंडळाचे संग्रहालय आणि मर्दानी खेळांसाठी ओपन ॲम्पीथिएटरही आहे. ठिकाणी विविध ग्रुपकडुन मर्दानी खेळ आणि कला यांचे आयोजन आगामी काळात करण्यात येणार आहे, असं प्रादेशिक व्यवस्थापक दीपक हरणे यांनी सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Railway Ticket Booking : रेल्वेने ऑनलाइन तिकीट बुकिंग सिस्टीममध्ये केला मोठा बदल!

PMC Scam : पुणे महापालिकेत २ कोटींचा गैरव्यवहार! कर्मचाऱ्यांचे गणवेश आणि 'इकोचिप' पावडर ९ वर्षांपासून गोदामात पडून

Pune Traffic : जेधे चौकातून सारसबागेकडे जाणारा भुयारी मार्ग तीन दिवस बंद; दुरुस्तीचे काम १० नोव्हेंबरपर्यंत सुरू राहणार

Maharashtra Government Rewards World Cup Winners : महाराष्ट्र सरकारकडून वर्ल्डकप विजेत्या स्मृती, जेमिमा अन् राधा यांना बक्षीस स्वरूपात मोठी रक्कम!

Latest Marathi News Live Update: पुणे जमीन व्यवहार प्रकरणात आंबेडकरवादी पक्ष-संघटना आक्रमक

SCROLL FOR NEXT