जळगाव : जिल्ह्यात कोरोना रुग्णांची (Corona Patients) संख्या वाढतच आहे. मात्र, सोबतच बरे होणाऱ्या रुग्णांचे प्रमाणही तेवढेच असल्याने सक्रिय रुग्णांमध्ये जास्त वाढ होत नसल्याचे सकारात्मक चित्र आहे. (15 new patients registered in district Jalgaon Latest Corona update news)

मंगळवारी प्राप्त अहवालानुसार जिल्ह्यात नव्या १५ कोरोना बाधितांची नोंद झाली. तर १६ रुग्ण कोरोनामुक्त झालेत. त्यामुळे आता जिल्ह्यातील सक्रिय रुग्णांची संख्या ७३ झाली आहे. या सक्रिय रुग्णांमध्ये ६९ रुग्ण लक्षणे नसलेले असून केवळ चार रुग्णांमध्ये लक्षणे आहेत.

पैकी दोघाना आयसीयूत दाखल केले असून दोन रुग्ण डीसीएचमध्ये उपचार घेत आहेत. ६९ रुग्ण घरीच विलगीकरणात आहेत. नव्याने आढळून आलेल्या रुग्णांमध्ये जळगाव शहर व चोपडा तालुक्यात प्रत्येकी ५, भुसावळला ४ व धरणगाव तालुक्यात १ रुग्ण आढळून आला.