पारोळा (जि. जळगाव) : वीज मोटर (Electricity Motor) चोरणाऱ्या तीन संशयितांना पोलिसांनी ताब्यात घेतले आहे. (3 thieves found stealing electricity motor Jalgaon crime News)

सोमा महाजन यांच्या घराचे बांधकाम सुरू असून, तेथून वीज मोटार घेऊन जाताना तीन चोरटे त्यांना दिसले. त्यांनी त्यांचा नातू लोकेश महाजन यास बोलावले. लोकेशसोबत त्याचे मित्र ईश्वर पाटील, समाधान महाजन तेथे आले. चोरट्यास विचारपूस केली असता, छोटू ठाकरे याने लोकेश महाजन यास मारहाण केली. संशयित आत्माराम पाटील व आत्माराम महाजन यांनी सोमा महाजन यांच्या हमला करण्याचा प्रयत्न केला. मात्र, पेट्रोलिंग करीत असलेले पोलिस कर्मचारी किशोर पाटील, संदीप सातपुते, अभिजित पाटील तेथे पोहोचले. वर तिन्ही संशयिताना कोयत्या व वीजमोटारसह ताब्यात घेतले. याबाबत सोमा महाजन यांनी दिलेल्या फिर्यादीवरून गुन्हा दाखल झाला आहे. पोलिस नाईक योगेश जाधव तपास करीत आहे.