Bhusawal Central Railway: विजयवाडा विभागातील वारंगल-काझीपेठ स्थानक आणि विजयवाडा-गुडूर स्थानकादरम्यान तिसऱ्या लाइनच्या कामासाठी ‘नॉन इंटरलॉकिंग'चे काम केले जात आहे.

कामादरम्यान भुसावळ विभागातून धावणाऱ्या रेल्वे गाड्यांच्या मार्गात बदल करण्यात आला आहे. (Change in route of trains for non interlocking work jalgaon news)

मार्ग बदललेल्या रेल्वे गाड्या अशा : गांधीधाम-विशाखापट्टणम साप्ताहिक एक्स्प्रेस (२०८०४) १० व १२ डिसेंबरला प्रवास सुरू होऊन नागपूर, रायपूर, टिटलागड, रायगडा, विजयनगरम मार्गे विशाखापट्टणमला जाईल.

ओखा-पुरी साप्ताहिक एक्स्प्रेस (२०८२०) १३ डिसेंबरला नागपूर, रायपूर, टिटलागड, रायगडा, विजयनगरम मार्गे पुरी स्थानकात जाईल.

विशाखापट्टणम-गांधीधाम साप्ताहिक एक्‍स्प्रेस (२०८०३) गुरुवारी (ता.७) व १७ डिसेंबरला विजयनगरम, रायगडा, टिटलागड, रायपूर, नागपूर मार्गे गांधीधामला जाईल.

पुरी-ओखा साप्ताहिक एक्‍स्प्रेस (२०८१९) १० व १७ डिसेंबरला विजयनगरम, रायगडा, टिटलागड, रायपूर, नागपूर मार्गे ओखाला जाईल.