तरवाडे (जि. जळगाव) : चाळीसगाव येथील वीज वितरण कंपनीच्या उपविभागांतर्गत मेहुणबारे कक्षातील तीन वीजचोरांवर चाळीसगाव ग्रामीण पोलिसात गुन्हे दाखल करण्यात आले आहेत. (Crime registered against 3 electricity thieves in Mehunbare area Jalgaon Crime News)

याबाबत मेहुणबारे येथील उपकार्यकारी अभियंता श्री. खिरवाडकर यांनी दिलेल्या माहितीनुसार बुधवारी (ता. २१) विद्युत कायदा २००३ कलमान्वये रौफ शेख हसनअख्तर (मेहुणबारे) रक्कम ८ हजार ३९३, बळीराम संपत पवार (दसेगाव) रक्कम ५ हजार ६४, दिलीप बळवंत जगताप (धामणगाव)रक्कम ५१ हजार ९६२ ही दंडात्मक रक्कम न भरल्यामुळे यांच्याविरोधात चाळीसगाव ग्रामीण पोलिसात गुन्हा दाखल झाला असून, प्रामणिक वीजग्राहकांनी या कारवाईचे कौतुक केले.