जळगाव : शहर पोलिस ठाण्याच्या हद्दीत गेंदालाल मिलमधील अवैध गॅस पंपावर कारवाई करण्यात आली. जिल्‍हापेठ पोलिसांनी बेकादेशीर घरगुती गॅस सिलिंडरमधून गॅस भरून देणारी रिक्षा कारवाईतून वगळली होती. ‘ती’ रिक्षा शोधण्याचे आदेश वरिष्ठांनी दिले असून, रिक्षाचा शोध सुरू आहे. (Jalgaon News)

हेही वाचा : दुधाच्या प्लास्टिक पिशवीचा कापलेला छोटा कोपराही घडवेल अनर्थ...

गेंदालाल मिल परिसरातील आश्रमशाळेच्या गल्लीमधील एका दुकानात घरगुती सिलिंडरमधून बेकायदेशीर प्रवासी रिक्षांमध्ये गॅस भरून काळाबाजार करीत असल्याची माहिती पोलिस निरीक्षक विजयकुमार ठाकूरवाड यांना मिळाली. त्यांच्या पथकातील उपनिरीक्षक दत्तात्रय पोटे, भास्कर ठाकरे, उमेश भांडारकर, गजानन बडगुजर, किशोर निकुंभ, उल्का मोरे, अमोल ठाकूर यांनी गेंदालाल मिल परिसरात छापा टाकून १७ हजार रुपयांची गॅस भरण्याची मोटार, पंप व ६ हजारांची तीन सिलिंडर, असा एकूण २३ हजारांचा ऐवज जप्त केला. गॅस भरून देणारा राहुल सुरेश आडके (वय २२, रा. आझादनगर) याला ताब्यात घेतले आहे. याबाबत शहर पोलिस ठाण्यात गुन्हा दाखल झाला आहे.