जळगाव : कर्ज फेडण्यासाठी माहेरहून पैसे आणावेत, यासाठी विवाहितेचा छळ करण्यात आला. शनिपेठ परिसरात माहेर असलेल्या तबसुम आदील खाटीक (वय २१) यांचा विवाह हरिविठ्ठलनगरातील शेख आदील शेख सलीम खाटीक यांच्याशी झाला. लग्नाचे सुरवातीचे दिवस चांगले गेल्यानंतर पती आदील शेख दारू पिऊन विवाहितेचला मारहाण करू लागला.

त्याच्यावरील कर्ज फेडण्यासाठी विवाहितेला माहेरहून पैसे आणण्यासाठी तगादा लावला. या छळाला कंटाळून विवाहिता माहेरी निघून आली. सोमवारी (ता. २०) सायंकाळी शनिपेठ पोलिस ठाण्यात तक्रार दिली. त्यावरून पती शेख आदील शेख सलीम खाटीक, सासरे सलीम शेख, सासू सयदाबी सलीम खाटीक, जेठ समीर सलिम खाटीक (सर्व रा. हरिविठ्ठलनगर), नणंद फिरदोसबी फारूख खाटीक, नंदोई फारूख बसीर खाटीक (म्हसावद, ता. जळगाव) यांच्याविरोधात शनिपेठ पोलिसांत गुन्हा दाखल झाला आहे. पोलिस नाईक इंदल जाधव तपास करीत आहे.