धरणगाव : तालुक्यातील बोरगाव बुर्दक व खुर्द येथे दरवर्षाप्रमाणे यंदाही दोन्ही गावे मिळून एकाच ठिकाणी दुर्गा देवीची स्थापना करण्यात आली आहे. गावे दोन अन्‌ देवी एक हे साधारण देवी स्थापनेचे २४वे वर्ष आहे. त्यामुळे दोन्ही गावांतील एकोप्याचे उदाहरण इतर गावांसाठी निश्‍चितपणे प्रेरणादायी आहे. बोरगावातील दिवंगत ग्रामस्थ सजन आनंदा सोनवणे यांच्या प्ररणेने चालत आलेल्या नवरात्र उत्सवानिमित जय दुर्गा माता उत्सव समितिने विविध कार्यक्रम, कीर्तन, दांडिया, लोकनाट्य आदी कार्यक्रमांचे आयोजन केलेले आहे. (Establishment of same goddess in both villages organizing week long kirtan festival at Borgaon )

या कीर्तन उत्सवात गुरुवारी (ता.३) रमेश महाराज सुसरीकर यांचे व शुक्रवारी (ता.४) राजेंद्र महाराज कासोदाकर यांचे तसेच शनिवारी (ता.५) गोविंद महाराज पाचोरेकर यांचे जाहीर कीर्तन झाले. रविवारी (ता.६) स्वप्निल महाराज गिरडकर यांचे कीर्तन होणार आहे. येत्या सोमवारी (ता.७) गावाची यात्रा व अनिता राणी अमळनेरकर यांचा लोकनाट्य तमाशाचा कार्यक्रम होणार आहे. येत्या मंगळवारी (ता.८) प्रतिभा महाराज खेडगावकर यांचे कीर्तन, बुधवारी (ता.९) संध्या महाराज सुरतकर यांचे कीर्तन होईल. (latest marathi news)

दहा ऑक्टोबरला दांडिया, ११ ऑक्टोबरला डॉ. प्रवीण महाराज वैजापुरकर यांचे कीर्तन, १२ ऑक्टोबरला जनार्दनजी महाराज आरावेकर यांचे काल्याचे कीर्तन होणार आहे. १३ ऑक्टोबरला महाप्रसादाचा कार्यक्रम होणार आहे. १४ ऑक्टोबरला देवी विसर्जन मिरवणुक आहे. या सर्व कार्यक्रमांसाठी आयोजक जय दुर्गा मित्र मंडळ व बोरगाव बुद्रूक व खुर्द या दोन्ही गावांतील ग्रामस्थ पुढाकार घेत आहेत.