Teacher Recruitment : तालुक्यातील जिल्हा परिषदेच्या ८४ शाळांमधील ६३ शिक्षकांची पदे रिक्त आहेत. रिक्त पदांवर शिक्षकांची नेमणूक करण्याची मागणी होत आहे. शाळेच्या पहिल्या दिवशी विद्यार्थ्यांचे पुष्प देवून स्वागत करण्याचे नियोजन शिक्षण विभाग आणि शैक्षणिक संस्थांनी केले आहे. जिल्हा परिषद मुले व मुलींच्या ८४ शाळा आहेत. शिक्षकांची ६३ पदे रिक्त आहेत. ( Teacher Recruitment 63 posts of teachers are vacant )

तालुक्यातील जिल्हा परिषदेच्या जीर्ण झालेल्या शाळांची दुरुस्ती झाली आहे. जिल्हा परिषद शिक्षक बदल्यांची प्रक्रिया वरिष्ठ पातळीवरून आदेश मिळताच होणार आहे. ८४ शाळांमध्ये शाळेच्या पहिल्या दिवशी विद्यार्थ्यांचे पुष्पगुच्छ व पाठ्यपुस्तके देऊन स्वागत होणार आहे. वर्गखोल्यांची स्वच्छता केली आहे. (latest marathi news)

विद्यार्थ्यांना प्रसन्न वाटण्यासाठी शिक्षक विविध उपक्रम राबविणार आहेत. शाळांच्या प्रांगणात आकर्षक रांगोळ्या काढून सजावट करण्यात येणार आहे. १६ हजार २८१ पाठ्यपुस्तकांचे विद्यार्थ्यांना मोफत वाटप होणार आहे.

''तालुक्यातील जिल्हा परिषद शाळांमध्ये विद्यार्थी प्रवेशाची प्रक्रिया पूर्ण झाली असून, जिल्हा परिषद शाळेत विद्यार्थ्यांची संख्या वाढावी, यासाठी शिक्षण विभाग प्रयत्नशील आहे. शाळेच्या पहिल्याच दिवशी सर्व विद्यार्थ्यांना पाठ्यपुस्तकांचे वाटप होणार आहे.''-राजेंद्र महाजन, गटशिक्षणाधिकारी एरंडोल.