Jalgaon Summer Heat : शहरासह जिल्ह्यात तापमानात दिवसेंदिवस वाढ होत आहे. यामुळे उन्हाच्या झळा जाणवू लागल्या आहेत. या पार्श्वभूमीवर घरातील जुने कुलर बाहेर निघू नागरिक त्याचा वापर करताना दिसू लागले आहे. सोबतच नवीन कुलर, ए.सी. यांना मागणी वाढत असल्याचे चित्र आहे. जिल्ह्यात तापमान दिवसेंदिवस वाढत आहे. वाढत्या उन्हामुळे नागरिकांच्या जिवाची लाही-लाही होत आहे. (Jalgaon temperature is increasing cause new cooler AC demand for them is increasing)

वाढत्या उन्हापासून बचाव व्हावा, यासाठी नागरिकांकडून कूलरला अधिक मागणी होत आहे. उन्हापासून गारवा मिळावा यासाठी नव्या कूलरच्या खरेदीकडे नागरिक वळले आहेत. काही नागरिकांनी घरातील कान्याकोपऱ्यात पडलेला जूना कुलर काढून त्याच्या दुरुस्तीचेही काम सुरू झाले आहे. कूलरची विक्री व दुरुस्ती याचा वेग उन्हाबरोबर वाढत आहे. कूलरमध्ये नवीन गवत टाकून कुलर बनविण्याकडे अनेकांचा कल असतो.

सध्या बाजारात कुलरसाठी ग्राहकांची पसंती दिसून येत आहे. तसेच फ्रिज, एसी, आदी इलेक्ट्रॉनिक्स वस्तू खरेदी करण्याकडे ग्राहकांचा कल वाढला आहे. वाढत्या किमती असल्या तरी ग्राहक खरेदी करण्यास पसंती देत आहेत. फ्रीजच्या किमती दहा हजारांपासून सत्तर ऐंशी हजारांपर्यंत आहे. तर एसी’चा दर टनाप्रमाणे असतो. तीस हजारांपासून एक लाखापर्यंत ए.सी.उपलब्ध आहे.

शहरच नव्हे तर ग्रामीण भागातही लोखंडी कुलरला मागणी वाढती आहे. मोठ्या प्रमाणात लोखंडी बॉडी असलेल्या तीन फूट कूलरला सर्वांत जास्त मागणी आहे. परिणामी इतर प्रकारच्या कूलरची मागणी घटली आहे. गेल्या वर्षीच्या तुलनेत यंदा कूलूरच्या किमती १५ ते २० टक्क्यांनी वाढत्या आहेत. दोन ते अडीच फुटांपासून कुलर उपलब्ध आहेत. (latest marathi news)

अलनिनो’च्या इफेक्टमुळे यंदाचा उन्हाळा कड़क जाणार असल्याचे चित्र आहे. सध्या मार्चच्या पहिल्या आठवड्यांपासून उन्हाची तीव्रता वाढत आहे. त्यामुळे सत्यावरील दुपारची वर्दळ कमी झाली आहे. ठिकठिकाणी शीतपेयांची मागणी दिसत होवू लागली आहे.

फळांना मागणी वाढली

उन्हामुळे उसाचा रस, लिंबू शरबत, लस्सी, फळांच्या ज्यूसबरोबरच रसदार फळांची ज्यात चिकू, द्राक्ष, कलिंगड, खरबूज, मोसंबी, संत्रा, अननस, आदी रसाळ फळांच्या मागणीत वाढ झाली आहे. कलिंगडमध्ये गोडवा असतो. ते पाणीदार असल्याने पाण्याची तहानही भागते. सध्या पंधरा ते वीस रूपये किलो असा दर आहे.