जळगाव, ता. ६ : जिल्ह्यात कोरोनाचा संसर्ग अद्यापही नियंत्रणात आहे. उत्सवांच्या काळातही नव्या रुग्णांमध्ये भर पडल्याचे आढळून आलेले नाही. बुधवारी (ता. ६) प्राप्त अहवालानुसार जिल्ह्यात आणखी दोन नवे रुग्ण समोर आले.

गेल्या जून महिन्यापासून जिल्ह्यात कोरोनाचा आलेख खाली यायला सुरवात झाली. ऑगस्टनंतर संसर्ग पूर्णपणे नियंत्रणात आल्याचे दिलासादायक चित्र निर्माण झाले. आता नवीन रुग्ण आढळून येत असले तरी त्यांची संख्या दोन-तीन पेक्षा जास्त नाही. बुधवारी सुमारे सतराशेपेक्षा अधिक चाचण्यांचे अहवाल प्राप्त झाले. त्यातून जळगाव शहर व ग्रामीणमध्ये प्रत्येकी एक असे दोन नवे बाधित आढळून आले. तर दिवसभरात दोन रुग्ण बरे झाले. त्यामुळे सक्रिय रुग्णांची संख्या १५ झाली आहे.

---------------------------------------------