Jalgaon News : मराठा सेवा संघाचे संस्थापक अध्यक्ष पुरुषोत्तम खेडेकर व माजी कार्याध्यक्ष अर्जुन तनपुरे यांचा शनिवारी (ता. १९) जळगाव जिल्ह्यात जनसंवाद दौरा असून, ते जिल्ह्यातील विविध तालुक्यात भेटी देऊन कार्यकर्त्यांच्या अडीअडचणी समजून घेणार आहेत, अशी माहिती मराठा सेवा संघाचे जिल्हाध्यक्ष अनिल पाटील व उद्योग कक्षाचे जिल्हाध्यक्ष आबासाहेब पाटील यांनी दिली. (Khedekar Tanpure tomorrow in Jalgaon district news)

शनिवारी चाळीसगाव येथून जनसंवाद दौऱ्याला सुरूवात होणार असून, मथुराई डी. एड्. कॉलेजमध्ये सकाळी १० ते दुपारी १ पर्यंत संवाद साधणार आहेत.

त्यानंतर गोंडगाव (ता. भडगाव) येथे पीडित कुटुंबाची भेट घेतील. पाचोरा येथे दुपारी ३ ते ५ राजीव गांधी टाऊन हॉल, छत्रपती शिवाजी महाराज चौक, पाचोरा येथे संवाद साधणार आहेत.

हेही वाचा : Credit Card फसवणूक....काय घ्याल काळजी?

त्यानंतर जळगाव येथे सायंकाळी ६ ते ८ दरम्यान, जिजाऊ भवन, मराठा सेवा संघ कार्यालय, निवृतीनगर या ठिकाणी संवाद साधणार आहेत.

जिल्ह्यातील मराठा सेवा संघाचे आजी-माजी पदाधिकारी, कार्यकर्ते, राजकीय, सामाजिक क्षेत्रात काम करणारे पदाधिकारी, कार्यकर्ते, मराठा समाजासाठी लढणाऱ्या संघटनांचे पदाधिकारी, व्यावसायिक, उद्योजक, प्रशासकीय अधिकारी, शिक्षक, प्राध्यापक, पदाधिकारी, विद्यार्थी, विद्यार्थिनी यांनी या संवाद दौऱ्यात मराठा समाजातील सद्यस्थितीतील समस्या आदी सामाजिक विषयांवर यावेळी चर्चा करण्यासाठी उपस्थित राहावे, असे आवाहन करण्यात आले आहे.