भुसावळ : भुसावळ विधानसभा मतदार संघातील भाजपचे आमदार संजय सावकारे यांचा कोरोना अहवाल पॉसिटीव्ह आला आहे. नगराध्यक्षानंतर आता आमदारांनाही कोरोनाची लागण झाल्याने शहरात खळबळ उडाली आहे. 

नक्‍की वाचा- माजी सैनिकाला मारहाण प्रकरणी भाजप खासदाराची होणार चौकरी; गृहमंत्र्यांनी काढले आदेश 
 

राज्याचे पावसाळी अधिवेशन आटोपून आलेल्या आमदार सावकारे यांनी अँन्टीजन टेस्ट केल्यानंतर अहवाल पॉझीटीव्ह आला. यानंतर ते गोदावरी रुग्णालयात सोमवारी (ता. १४) उपचारार्थ दाखल झाले आहेत. यादरम्यान आपल्या संपर्कात आलेल्यांनी आपापली कोरोना चाचणी करून घ्यावी व घाबरून जाण्याचे कारण नाही निश्‍चितपणे आजारावर मात करता येते, असे आवाहन आमदार सावकारे यांनी केले आहे. नगराध्यक्ष रमण भोळे यांना कोरोनाची लागण झाल्यानंतर आता आमदार संजय सावकारे यांचा अँन्टीजन टेस्ट अहवाल पॉसिटीव्ह आला आहे. अधिवेशनाला जाण्यापूर्वी देखील आमदारांनी कोरोना चाचणी केली होती. मात्र अधिवेशनाहून परतल्यानंतर त्यांना शंका वाटल्याने त्यांनी पुन्हा चाचणी केल्याने अहवाल पॉसिटीव्ह आला आहे.