चोपडा : वादळी वाऱ्याने तालुक्यातील पश्चिम भागातील घोडगाव, वाळकी, शेंदणी, मालखेडा, कुसुंबा, अनवर्दे बु. गणपूर, भवाळे, वढोदा या गावांतील केळी, पपई, मका, ज्वारी, कापूस या पिकाचे नुकसान केले होते. पुन्हा सोमवारी दुपारी तीन वाजेच्या सुमारास वादळी वारा व पावसाने अनवर्दे, मोहीदे, दगडी, वढोदा या गावातील केळी पिकाचे नुकसान केले आहे.

वाचा- रेल्वेने दिला फुकट्या प्रवाशांना दणका ! वसुल केला ६४ हजारांचा दंड

तीन दिवस उलटत नाही तोवर पुन्हा सोमवारी पश्चिम भागात वादळी पावसाने अनवर्दे, मोहीदे, वढोदा या गावातील केळी पिकाचे नुकसान केले आहे. दुपारी तीन वाजेच्या सुमारास आलेले हे वादळ जवळपास अर्धातास चालले यामुळे रामकृष्ण मनोहर पाटील, अशोक जानकिराम पाटील, रमण डूमन पाटील, सुरेश देवराम पाटील, सोपान बाबुराव पाटील, राजाराम वासुदेव पाटील यांच्यासह शेकडो शेतकऱ्यांचे ४० ते ५० हजार खोड जमिनीवर पडून पुर्णतः जमीनदोस्त झाल्याने लाखो रुपयांचे नुकसान झाले आहे.  

पिके आली संकटात

वादळी पाऊस, अतिपावसामुळे यंदा पिकांवर विविध आजारांचा प्रादुर्भाव वाढलेला आहे. त्यामुळे शेतकऱयांचे मोठे नुकसान झाले आहे. त्यात वादळी पावसामुळे हाता तोंडाशी आलेला घास हिरावलेला आहे. 
 

शेतकऱयांवर दुहेरी संकट 

यंदा पाऊस चांगला झाला असला तरी शेतकऱयांवरील संकट मात्र काही गेलेले नाही. अतिपावसामुळे पिके खराब झाली. तसेच पिकांवर विविध आजारांचा प्रादर्भाव पडल्याने पिकांचे मोठ्या प्रमाणात नुकसान झाले. त्यामुळे कर्ज काढून शेती करणाऱया शेतकऱयांचे मोठे नुकसान झाले असून शेतकरी दुहेरी संकटात सापडलेला आहे.

संपादन- भूषण श्रीखंडे