जळगाव : जळगाव जिल्हा बँक (Jalgaon District Bank) संचालकपदाच्या निवडणुक (Election) प्रकियेत आज (ता. १८) अर्ज भरण्यासाठी (Candidate application) शेवटचा दिवस आहे. यामुळे सोमवारी अर्ज भरण्याचा उच्चांक होणार आहे. सोबतच गर्दीही होणार आहे.

जळगाव जिल्हा सहकारी बँकेच्या २१ जागासाठी नोव्हेंबरमध्ये निवडणूक होणार आहे. त्याची ही रणधुमाळी सुरू आहे. गुरुवार (ता. १४)पर्यंत आमदार चिमणराव पाटील, राष्ट्रवादी काँग्रेसचे नेते एकनाथ खडसे, जिल्हा बँकेच्या अध्यक्षा ॲड. रोहिणी खडसे-खेवलकर, माजी मंत्री गुलाबराव देवकर यांच्यासह १०५ उमेदवारी अर्ज दाखल झाले होते.

सुटी असल्याने प्रक्रिया होती बंद..

शुक्रवार, शनिवार व रविवार असे तिन दिवस सुटी असल्याने निवडणुक प्रक्रिया बंद होती. तर, सोमवारी अर्ज भरण्याची अंतीम मुदत आहे. यामुळे उमेदवारांची अर्ज भरण्यासाठी आज जिल्हा बँक परिसरात गर्दी होणार आहे.